賽事回顧 2013年8月 卡迪夫城3比2曼城

我城藍月曼漫談 於 28/01/2018 發表 收藏文章
提起卡迪夫城大家除咗諗起佢地個華籍班主(馬來西亞華人) 鐘意波衫襯老西,比拿美,仲有乜嘢? 呢隊來自威爾斯嘅雄獅其實都踢過英超,以升班馬姿態響主場3比2贏曼城,當日曼城上陣嘅唔通係副選?! 非也!


門將:
祖赫特
大部分人以為英格蘭冧把溫會留城終老,不過結果就出人意表啦! 除咗得唔到哥帥歡心,今季外借至韋斯咸亦得唔到莫耶斯信心,前途分分鐘係咁先。


後衛:
薩巴列達,為曼城上陣過333場嘅佢,當年其實深得球迷歡心,能攻擅守,仲爆頭嘅佢,12月倒戈曼城仲好受大家歡迎,舊年六月完約後,今季同祖赫特做返隊友。

尼史葛,前英格蘭國腳早於2014年6月離隊,去過西布朗,維拉,AEK雅典,上季簽過新特蘭,而家就無班落,主力出席曼城活動同帶City Tour 。

基歷治,前法國國腳,司職左閘嘅佢,其實響曼城上陣機會唔算特別多,上季尾完約後已轉戰土超。

中場:
查維加西亞,前西班牙國腳,司職防中偶然客串中堅嘅佢,其實響曼城日子就唔算有好突出嘅表現,偶有佳作,而家重返西甲,效力皇家貝迪斯

費蘭甸奴,巴西國腳,同樣喺高柏尼養傷期間就出任代隊長,仲被哥帥稱讚為世界最佳防中,剛啱仲續咗新約。

大衛施華,已經32歲嘅佢,仍然效力曼城,喺高柏尼養傷期間就出任代隊長,今季為曼城上陣24場全數不敗,絕對係城迷寵兒。

拿斯利,相信好多人對佢離隊都依依不捨,一心諗住佢有機會留隊,呢位前法國國隊響哥帥手下只有零星嘅上陣次數,而家去咗土超搵食,傳聞韋斯咸想簽佢。

耶耶托尼,今季只有零星上陣機會,始終年紀唔輕嘅佢,早年可算係曼城中場大腦,不過近年就明顯爭緊啲,明年6月完約嘅佢未知係咪仲著曼城42。

前鋒:
阿古路,呢位可算係城迷柯貪飛佛嘅前鋒,喺哥帥手下其實都有唔少發揮機會,偶爾都會做下後備殺手咁,已破入球紀錄嘅佢,今季已為曼城響英超射入16球

迪斯高,另一位城迷至愛,來自波斯尼亞嘅鋒將,早於2015年季初已被外借至羅馬,呢個月就同車路士扯上關係,如事成,最唔捨得佢應該係高拉洛夫。

如果喜歡我們的文章,請即分享到︰

標籤: 卡迪夫城  曼城  

留言

會員
我要評論
請按此登錄後留言。未成為會員? 立即註冊
  • Ming Wa Lee
    Ming Wa Lee 於 28/01/2018 評論 NO. 1

    今次曼城復仇成功

  • 馮俊杰
    馮俊杰 於 28/01/2018 評論 NO. 2

    Alex Yeung

  • 羅諾謙
    羅諾謙 於 28/01/2018 評論 NO. 3

    今時唔同往日

快捷鍵:←
快捷鍵:→