今個夏季有唔少矚目轉會，好似夏蘭特、紐尼斯、利雲度夫斯基等。但大家食得最多花生既，最想睇下點收科既，應該係法蘭基迪莊。
迪莊喺阿積士年代已經係曼聯新科領隊坦克愛將。加上迪莊最擅長既位置，係墮後防守中場，最拿手既本領，係後場組織，正正係曼聯中路轉守為攻最需要但最欠缺之處。可惜現實係神女有心，襄王無夢，迪莊一直強調自己無意加盟曼聯。因此，近日都傳出曼聯將收購目標轉移至燕豪芬防中沙格利。沙格利屬於典型anchorman，擅長攔截、搶奪同截斷對手傳送，重點係release clause 3000萬鎊，價錢唔使迪莊一半。
迪莊多番表示希望留效巴塞，邊度都唔會去，亦堅決拒絕減薪。雖然佢仲有份參加美國熱身賽，但沙維已經知會佢來季唔會係球隊主力。面對球隊步步進逼，佢暫時未表態mind唔mind真係坐成季。不過佢早喺疫情期間就同意同球隊共渡時艱，第一季已經減薪12%，仲有押後領取大部份薪金。有傳媒指，迪莊現時拒絕離隊，除左因為唔想去冇歐聯打既曼聯，更重要係因為未攞返巴塞嗰2000萬歐元人工。
不過而家最焦急既，相信唔係曼聯或者迪莊，而係巴塞。巴塞經歷緊一個好成功既轉會窗，至今已經簽入利雲度夫斯基、拉芬拿、基斯同基斯甸臣，前中後猛將有齊。不過，簽約同註冊兩回事嚟，巴塞暫時仲未符合薪資條例同公平財政原則，啫係買完人都未必有得用既意思。所以巴塞強烈鼓勵迪莊離隊，就係想騰空薪資空間去註冊新加盟同新續約球員。不過除左迪莊本人無意離開，曼聯亦唔同意喺8500歐元連add-on既轉會費以外，仲要幫手找埋巨額欠薪。不過雄心壯志既巴塞，即使面臨財政危機，仍然繼續擴軍，有意簽埋觀迪、艾斯派列古達同賓拿度施華。如果曼聯放棄收購迪莊，巴塞又要簽多幾個人既話，就要將「減磅」希望放喺尼圖、佩治、迪比、巴夫韋特等好似未有球會有興趣既球員身上啦。
身為曼聯球迷，固然好想球隊成功羅致法蘭基迪莊呢位中場猛將，但一個講到明唔想嚟既球員，嚟到係咪真係有心踢，定會變成下一個迪馬利亞？同埋邊有球迷想睇住愛隊又又又做水魚。曼聯最後簽唔簽得成迪莊，或者換句話講，擅於解決經濟難題既巴塞tum唔tum得掂曼聯埋單，真係要等Fabrizio update啦。
————————
中意睇我文章既
記得follow我Instagram @ng.sickball
迪莊喺阿積士年代已經係曼聯新科領隊坦克愛將。加上迪莊最擅長既位置，係墮後防守中場，最拿手既本領，係後場組織，正正係曼聯中路轉守為攻最需要但最欠缺之處。可惜現實係神女有心，襄王無夢，迪莊一直強調自己無意加盟曼聯。因此，近日都傳出曼聯將收購目標轉移至燕豪芬防中沙格利。沙格利屬於典型anchorman，擅長攔截、搶奪同截斷對手傳送，重點係release clause 3000萬鎊，價錢唔使迪莊一半。
迪莊多番表示希望留效巴塞，邊度都唔會去，亦堅決拒絕減薪。雖然佢仲有份參加美國熱身賽，但沙維已經知會佢來季唔會係球隊主力。面對球隊步步進逼，佢暫時未表態mind唔mind真係坐成季。不過佢早喺疫情期間就同意同球隊共渡時艱，第一季已經減薪12%，仲有押後領取大部份薪金。有傳媒指，迪莊現時拒絕離隊，除左因為唔想去冇歐聯打既曼聯，更重要係因為未攞返巴塞嗰2000萬歐元人工。
不過而家最焦急既，相信唔係曼聯或者迪莊，而係巴塞。巴塞經歷緊一個好成功既轉會窗，至今已經簽入利雲度夫斯基、拉芬拿、基斯同基斯甸臣，前中後猛將有齊。不過，簽約同註冊兩回事嚟，巴塞暫時仲未符合薪資條例同公平財政原則，啫係買完人都未必有得用既意思。所以巴塞強烈鼓勵迪莊離隊，就係想騰空薪資空間去註冊新加盟同新續約球員。不過除左迪莊本人無意離開，曼聯亦唔同意喺8500歐元連add-on既轉會費以外，仲要幫手找埋巨額欠薪。不過雄心壯志既巴塞，即使面臨財政危機，仍然繼續擴軍，有意簽埋觀迪、艾斯派列古達同賓拿度施華。如果曼聯放棄收購迪莊，巴塞又要簽多幾個人既話，就要將「減磅」希望放喺尼圖、佩治、迪比、巴夫韋特等好似未有球會有興趣既球員身上啦。
身為曼聯球迷，固然好想球隊成功羅致法蘭基迪莊呢位中場猛將，但一個講到明唔想嚟既球員，嚟到係咪真係有心踢，定會變成下一個迪馬利亞？同埋邊有球迷想睇住愛隊又又又做水魚。曼聯最後簽唔簽得成迪莊，或者換句話講，擅於解決經濟難題既巴塞tum唔tum得掂曼聯埋單，真係要等Fabrizio update啦。
————————
中意睇我文章既
記得follow我Instagram @ng.sickball
請按此登錄後留言。未成為會員? 立即註冊