[2016/17歐聯決賽 - 祖雲達斯 V 皇家馬德里]

K波說故事 於 31/05/2017 發表 收藏文章



2016/17歐聯決賽 - 祖雲達斯 V 皇家馬德里

開賽日期: 6月3日 ( 6月4日凌晨 ) - 2:45

祖雲達斯方面, 強當然在於防守, 有保方, 邦路斯, 基亞連尼, 巴沙利於後防, 實在難以被攻破, 即使係巴塞MSN組合都被零封就知啦, 而進攻方面都唔可以睇小, 因為有阿根廷孖寶戴巴拿同希古恩, 唔好忘記仲有文迪蘇傑於球隊要用高空攻勢時可以用到! 不過去到4強階段, 其實丹尼爾先係最搶鏡既一位, 呢位前巴塞球員, 面對皇馬, 一定會有慣性心態希望將其擊敗, 加埋希古恩倒戈顯身價, 祖記不能睇小!




皇家馬德里方面, 西甲成功相隔5年再次奪冠, 球隊士氣非常高, 而且巴爾確認可於歐聯決賽上陣, 只是施丹會否列為正選, 因為即使無左巴爾, 球隊仍然有C朗, 賓斯馬, 摩拉達, EASYGO去進攻, 特別係C朗, 球隊進攻重心唔洗講, 最重要係今季於重要時刻都能取得入球! 中場有摩笛同卻奧斯鎮守住, 攻守節奏得以好好控制! 後防當然有進攻後衛沙治奧拉莫斯, 呢位補時殺手於關鍵時刻成日做英雄, 而門將方面, 其實基羅拿華斯實力有番咁上下, 要攻破皇馬門都唔係易事架!






K波預估戰況: 皇馬今季仍然攻力強勁, 而且施丹將皇馬整隊波變得團結得黎具攻擊性, 加上仲要熟祖記既戰術體系! 不過唔好忘記, 祖記今季既防守力更上一層樓, 而且前線仲要有戴巴拿同埋倒戈射手希古恩, 似乎雙方會勢均力敵! 雖然皇馬攻力應該會稍稍佔優, 不過祖記既保方真係唔易射破, 賽事或者會係一場鬥智鬥力既大戰, 未必多波入到, 不過攻門應唔會少! 等睇12碼決戰吧!


K波預估賽果: 祖雲達斯 V 皇家馬德里 - 1:1 ( 加時0:0), 12碼之戰 - 祖雲達斯稱王


K波

鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→