[西班牙甲組足球聯賽2016/17 - 3強閱兵]

K波說故事 於 17/08/2016 發表 收藏文章
鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY



新一季西甲呢個星期就開始喇, 由於西甲主要都係睇3頭馬車, 我K波就同大家簡介下呢3頭馬車啦:



巴塞隆拿:
上季排名: 第一名 ( 91分 )
主要收購: D.蘇亞雷斯, 盧卡斯, 高美斯
主要離隊: 丹尼爾, 巴查, 阿祖安奴,
主力: 美斯, 蘇亞雷斯, 尼馬, 小白
簡介: 無疑巴塞最強既地方當然繼續係MSN既攻擊力啦, 不過要留意尼馬8月要踢奧運, 可能會有少許影響, 但又一青訓新人夏達迪表現不俗, 應有不少機會發揮, 而中場線方面, 小白年事開始漸高, 艾達杜倫要加快上位速度, 此子上季於巴塞表現未算突出, 希望今季多D時間發揮下, 後防係最多人離隊既一條線路, 幸好未算主力球員, 而碧基已有相當經驗擔大旗下, 相信影響有限, 唯龍門巴塞要盡力留住上季表現出色既巴禾, 否則龍門再次成為巴塞其中一個弱點環節!


https://www.youtube.com/watch?v=Mo4Ooj1Fulk

皇家馬德里:
上季排名: 第二名 ( 90分 )
主要收購: 摩拉達
主要賣出: 艾比路亞, 謝斯洛迪古斯
主力: C朗, 巴爾, 賓施馬, 沙治奧拉莫斯,
簡介: 上季由施丹執教後, 西甲最後12連勝追至只差一分屆居第二, 但已見施丹於皇馬既成功, 而且亦幫皇馬奪得歐聯冠軍! 士氣大振, 今季方面, 買人方面未算積極, 雖然曾經出手搶普巴不果, 或者施丹滿意現有陣容, 而回收摩拉達, 放走謝斯可以算係拉平既轉會, 艾比路亞年事已高, 影響都不大, 但皇馬將被禁買人呢方面, 施丹要諗既係未來數季既發展, 或者皇馬今次會標尾會, 高價收購出奇不意既球星回來..............戰術方面, 依舊BBC, 但拉莫斯既助攻入球數字亦不少, 不過防守方面, 希望華拉尼及拿華斯無病無痛, 呢2名上季表現不俗既球員成為後防主力, 而比比於歐國盃都有回勇跡象, 似乎皇馬今季可以再次挑戰巴塞。




https://www.youtube.com/watch?v=yM5Ptc9a5lI


馬德里體育會:
上季排名: 第三名 ( 88分 )
主要收購: 加坦,
主要賣出: 域度
主力: 基沙文, 費蘭度托尼斯, 尼古治
簡介: 施蒙尼能於西甲帶領一隊非金錢或球星既球隊挑戰巴塞與皇馬, 已証明其實力非凡, 而今季放走域度但購入加坦明顯希望加強側擊力量, 令基沙文與費托於中路可以有更大既空間去發揮及爭取入球, 而年青球員卡拉斯高及尼古治上季尾已經開始想爆想爆, 今季似乎係爆發既時候, 相信仍會以穩定防守加上有效反擊做主要戰術!




https://www.youtube.com/watch?v=qIwPlsJRGeo


K波預估今季戰況: 上季季中時, 巴塞拋離十多分令人覺得西甲好很悶, 但季尾皇馬與馬體會不斷發力, 當然要巴塞自己係咁失分下, 聯賽季尾又的確幾緊張既! 但今季, 估計競爭更加激烈, 因為皇馬由施丹帶領下, 軍心, 踢法都好順暢, 以進攻為主! 馬體會方面, 以穩定陣容加上防守配以有效既反擊, 相信繼續平穩向上下, 巴塞要自強不息, 維持上季攻擊力, 才有望衛冕西甲冠軍, 但值得留意既係, 巴塞進攻球員其實要學識留力, 防止季初大拋離, 季中開始有走樣既情況, 始終巴塞一季比賽場數眾多, 幾線齊下, 鐵人都要抖啦! 我K波就估計今季西甲聯賽都係要鬥到最後3場先知誰勝誰負!!!!!!!!


K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY

留言


請按此登錄後留言。未成為會員? 立即註冊
  • koke 於 17/08/2016 評論 NO. 1

    要增加卡拉斯高的出場時間,此子速度快,擅突破能有效帶起邊路攻勢

快捷鍵:←
快捷鍵:→