[西班牙甲組足球聯賽2016/17 - 巴塞隆拿 VS 皇家馬德里]

西甲黎到第十四周賽事, 終於出現國家打比戰, 由巴塞主場迎戰皇馬:

先黎重溫下上季既打比戰:

https://www.youtube.com/watch?v=WW4Bg43afvk


巴塞隆拿 VS 皇家馬德里:


開賽時間 ( 香港時間 ) - 12月3日晚上 23:15

2隊簡介:


巴塞隆拿: 現時聯賽13場賽事, 8勝3和2負, 落後榜首既皇馬6分, 相信一眾巴迷都唔多滿意, 不過今季MSN攻力的確有點兒不穩, 而且整隊球隊實力都較為飄忽, 當然基本上場場都係佔上風咁去踢, 但主場輸俾艾拉維斯, 作客不敵切爾達, 都証明左後防似乎失去左鬥勝既鬥心或者出現經驗不足既情況, 而最近4場聯賽巴塞只攻入4球的數字都唔應該係MSN身上出現! 門將迪史特根神經刀既演出真係令人驚心動魄!




皇家馬德里: 西甲聯賽13場只和3場不敗的戰績, 全靠門將拿華斯及一眾穩定而且開始成熟既後防班底包括拉莫斯, 華拉尼, 卡華查鎮守住, 當然防中位置有卻奧斯成一大重心, 進攻重責就交俾摩迪去成就前線BBC攻堅, 可惜今仗巴爾因傷缺陣, 但C朗近4仗聯賽入8球相當恐怖, 希望巴爾既缺陣唔好帶黎太大影響啦! 一直低調既賓斯馬或者可以成為絕殺者! 其實占士BB都係一個唔錯既選擇黎架!




K波預估戰況: 皇馬打破沙維/小白雙核年代經常被巴塞食住既情況, 而且感覺巴塞皇朝開始要改朝換代中, 當年的小伙子 - 小白都老啦 ( 開始復操, 但唔好預佢喇 ), 而皇馬就咁橋向施丹帶領下越戰越勇, 球隊都一改要經常買星既作風下, 陣容開始穩定, 而且皇牌C朗繼續勇態, 相信今仗仍然可以入巴塞波, 不過MSN實在實力強橫, 2邊互片下, 皇馬再殺巴塞一野吧!


K波預估賽果: 巴塞隆拿 2:3 皇家馬德里

K波

鐘意睇我K波講野, 都讚好我個FACEBOOK專頁, 謝謝支持!
https://www.facebook.com/KBALLSTORY