[今季英超射手知多D]

K波說故事 於 10/03/2016 發表 收藏文章
鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY

英超聯已經進入最後階段, 各隊爭標進入白熱化, 而季前被忽視既李斯特城卻於榜首位置出現, 球隊中最重要既靈魂人物除左馬列斯, 就當然係華迪, 到底佢今季可唔可以拎到英超神射手呢? 咪能扮正經啦, 一齊數下頭6個射手榜球員啦, 陷家富貴!

第六名: 恩哈路 ( 屈福特 ) – 29場14球
-屈福特靈魂人物, 此名尼日尼亞球員以個人突破力見稱, 季中曾差點離隊但最終留隊踢埋呢季, 睇黎都會向下季離隊他投架喇, 不過近10場波入得果1球咁大把, 屈福特成績都同步滑落, 所以, 睇黎都係算9數啦!


第五名: 馬列斯 ( 李斯特城 ) – 29場15球
-狐狸今季能爭標, 馬列斯真係好9重要, 扭得射得傳得, 相信今季關佢事既入球可能多過某D傳統勁旅。不過呢位阿爾及利亞球員始終不是一位前鋒, 一旦有機會傳波或射波, 可能佢都會選擇傳波, 所以要後上成為神射手, 機會都幾細。


第四名: 阿古路 ( 曼城 ) – 28場16球
-阿古路黎到英超可以講話殺晒, 為曼城不知入過幾多關鍵入波, 而且能扭能射, 係傳統出色既阿根廷球員, 不過傷患問題就令人擔心D, 今季已經因傷缺席約10場賽事, 否則, 現時既入球數應該不止於此, 不過始終曼城仍有機會後上奪冠, 加上佢地都要保住前4, 只要阿古路咪9再傷, 要後上成為神射手仲有好大機會。


第三名: 哈利簡尼 ( 熱剌 ) – 29場17球
-上季開始成名既球員, 前阿記青年球員, 應該令雲加揼足成季春, 再加咒爆佢今季跌WATT, 結果簡尼季初真係擦晒鞋, 陪埋英格蘭隊長肥仔一齊唔入波, 但簡尼真係忍唔到咁9耐, 終於早過朗尼爆發, 仲成為現時射手榜第三位, 仲有9場波, 熱剌既攻擊命脈加上絕少傷患, 要後上做射手, 仲有得鬥。


第二名: 盧卡古 ( 愛華頓 ) – 29場18球
-愛華頓今季跌晒WATT, 無9晒力, 唔可以成為黑馬但盧卡古既入球卻成為保證, 呢明大漢有著杜奧巴既影子, 車仔放走佢真係ON9無極限. 最後9場波, 盧卡古會唔會唔聲唔聲, 嚇9你地一驚呢?


第一名: 華迪 ( 李斯特城 ) – 29場19球
-李斯特城尖刀. 場場不留力, 跑盡, 有機會射門就射, 今季既狀態接近一把人間凶器, 對利記果球世界波相信季尾都有D獎拎下, 餘下9場波, 只要華迪無傷無病, 入球都唔係問題, 當然最期待佢同狐狸一齊奪得英超聯賽冠軍及神射手, 完成夢幻一季啦。老老77, 下季真係唔知有無架喇!


K波

鐘意睇我K波講野, 都讚好我個FACEBOOK專頁, 謝謝支持!
www.facebook.com/KBALLSTORY

如果喜歡我們的文章,請即分享到︰

留言


請按此登錄後留言。未成為會員? 立即註冊
  • neilstone 於 10/03/2016 評論 NO. 1

    唔係第一次睇你d文 次次都覺你d粗口好做作加上去

快捷鍵:←
快捷鍵:→