琴晚車路士主場對阿仙奴，雖然 1-1 和氣收場，場波當然刺激，不過對於車迷嚟講，場波仲有另一個主角，果位我哋最熟悉嘅「老朋友」： 安東尼·泰萊 (Anthony Taylor)。
當卡些度被 VAR 升級做紅牌趕出場，但轉個頭阿仙奴嘅軒卡派亞 (Hincapie) 批踭批到查洛巴隻塊面腫起，泰萊竟然覺得只係黃牌嗰陣，史丹福橋嘅噓聲簡直震耳欲聾。馬蛇賽後拎住查洛巴傷勢嘅相片控訴「標準不一」，再次點著咗車迷嘅怒火。
有網友問：「點解又係佢？」、「我哋係咪特別黑仔？」、「有無數據睇下我哋遇著佢勝率係幾多？」
今次【車迷觀點】，我哋就響應訴求。用手頭上一份橫跨 2010 至 2025 年、長達 15 年嘅「泰萊執法車路士報告」嚟寫下。睇完你會發現，所謂嘅「黑仔」，其實係一個持續咗 15 年、甚至係「統計學上不可能」嘅異常現象。
數字唔會講大話 ： 50% 的死亡界線
講感覺無用，我哋直接睇數據。安東尼·泰萊係英超執法車路士場次最多嘅裁判之一，樣本數夠晒大，絕對唔存在「巧合」。
1. 消失的勝率：50% 的不勝魔咒
截至 2025 年 12 月，泰萊執法咗車路士 58 場 比賽。 結果係點？29 勝、14 和、15 負。 勝率剛剛好係 50%。即係話，只要泰萊吹雞，車路士就有一半機會贏唔到波。
大家要明白，2010 到 2025 年期間，車路士雖然經歷過重建，但都經歷過奪冠高峰。對於一支長期爭前四、甚至爭冠嘅豪門嚟講，長期勝率被壓縮到得一半，係一個毀滅性嘅數據。相比之下，佢執法阿仙奴同曼聯嘅勝率都接近 60%。
2. 紅牌之謎：0 vs 5 的極端對比
呢個數據先係最令車迷心寒。我哋將泰萊執法車路士嘅數據，同佢執法曼聯嘅數據拍埋一齊睇：
執法曼聯 (55 場)： 紅牌數目 = 0執法曼城 (49 場)： 紅牌數目 = 1
執法利物浦 (68 場)： 紅牌數目 = 1
執法車路士 (58 場)： 紅牌數目 = 5
係咪車路士球員特別暴力，嗯，呢個問題大家心照。 喺同樣嘅執法場次基數下，出現相對大嘅差異，喺統計學上係極度罕見。排除咗利物浦，泰萊來自大曼徹斯特地區 (Wythenshawe)，雖然條例話佢只係唔可以執法佢支持嘅地區球隊 (Altrincham FC)，但呢個紅牌數據，難免令人聯想到某種潛意識嘅偏向。
3. 黃牌風暴與情緒化執法
除咗紅牌，車路士亦係泰萊手下領黃牌最多嘅球隊 (135+ 張)。 大家記唔記得 2024 年 9 月對般尼茅夫嗰場？泰萊單場派咗 14 張黃牌，創下英超歷史紀錄，當中車仔拎咗 8 張。嗰場波根本唔係踢得好茅，純粹係泰萊失去控制、情緒化發牌嘅結果。
綜合以上數據話俾我哋知：當泰萊出現，車路士就要面對一個比平時更嚴苛、容錯率更低嘅判罰環境。
經典冤案重溫：泰萊嘅代表作
數據只係結果，真正令車迷對泰萊恨之入骨嘅，係佢喺關鍵時刻嗰種「主宰比賽」嘅能力。我隨便翻開檔案，都可以搵到令你 PTSD 發作嘅經典：
1. 2017 足總盃決賽：溫布萊嘅排球員
呢場係災難嘅開始。比賽初段，阿仙奴嘅山齊士 (Alexis Sanchez) 用雙手好似打排球咁將個波拍低，然後單刀入波。 當時旁證已經舉旗話藍斯越位干擾，但泰萊竟然走去同旁證傾咗一大輪，最後推翻判決，判入球有效。一場決賽，俾一個手球加越位嘅入球毀咗。干地賽後嗰句「非常清晰的手球」，充滿住無奈。
2. 2020 足總盃決賽：高華錫的冤獄
三年後，又係足總盃決賽，又係泰萊，又係阿仙奴。 比賽關鍵時刻，高華錫同薩卡爭波。慢鏡睇到高華錫只係輕輕掂到對方鞋尖，甚至係掂到波先。結果？泰萊毫不猶豫出示第二張黃牌趕佢出場。 前 PGMOL 主管 Keith Hackett 事後都忍唔住話：「這甚至算不上犯規。」但在泰萊眼中，車路士球員呼吸都係錯嘅。
3. 2022 史丹福橋之戰：扯頭髮都睇唔到？
呢個係核爆點。熱刺嘅羅美路喺禁區內扯住古古把長頭髮，成個人扯跌。泰萊就在事發地點附近，竟然表示無事。 最離譜係咩？後來 VAR 裁判 Mike Dean 自爆，話當時睇到扯頭髮，但因為泰萊係佢嘅「朋友」(Mate)，唔想送佢去睇螢幕令佢「難做」。 呢單野證實咗車迷長久以來嘅懷疑：原來裁判之間嘅私人關係，真係重要過比賽嘅公正性。
雙重標準的極致：昨晚的面腫
講返轉頭，如果泰萊係出名嚴，咁大家都無聲出。問題係，佢嘅嚴感覺好似只係單向針對車路士。琴晚對阿仙奴就係教科書級嘅雙重標準。
卡些度的紅牌 第 38 分鐘，卡些度鞋底踩向人哋隻腳。泰萊初時比黃牌，VAR 介入後升級做紅牌。 公道講，根據球例，鞋底向人的確係危險動作，比紅牌係常識，識波都唔會出聲嘈。
但問題係幾分鐘之後。阿仙奴嘅軒卡派亞喺爭頂嗰陣，用手肘直接批落細查洛巴塊面度。 結果？查洛巴塊面即刻腫晒，成個眼眶瘀黑。咁明顯嘅傷人動作，泰萊竟然覺得只係黃牌。
賽後馬蛇拎住張相，指住查洛巴隻黑眼圈問記者：「如果卡些度係紅牌，點解呢個唔係紅牌？」 呢個就係令車迷最火滾嘅地方。我哋唔介意你嚴，如果鞋底高少少要極刑，打人都唔應該輕判。呢種長期、持續嘅「執法溫差」，先係殺死比賽公平嘅元兇。
總結：統計學上嘅不可能：PGMOL 幾時先肯面對？
綜合 15 年嘅數據，安東尼泰萊執法車路士嘅紀錄，呈現出一種極度異常嘅模式。
最絕望嘅係，泰萊嘅錯誤永遠係「單向」嘅。過去 15 年，所有改變戰局嘅誤判（決賽入球、紅牌、補時爭議），受害者 100% 都係車路士。
豪門變中游，紅牌零對五，車路士呢15年嚟作為上遊球隊，正常勝率理應接近 60%（好似曼城、阿仙奴喺泰勒手下咁）。但泰萊竟然可以將我哋嘅勝率強行壓縮到 50%。即係話，只要佢吹雞，我哋就由一支強隊，被降格做一支靠運氣擲公字嘅中游波。
更離譜嘅係紅牌數據：執法曼聯 0 紅牌，執法車路士 5 紅牌。喺相若嘅場次基數下，出現 0 對 5 嘅極端差異，呢個先係真正嘅「統計學上不可能」。
雖然我哋無證據話佢收錢，但數據唔會呃人。既然佢來自曼徹斯特，既然數據差異大到咁離譜，PGMOL 係咪應該考慮避嫌，唔好再派佢嚟史丹福橋獻世？
對於車迷嚟講，我哋只係想要一場公平嘅競技，而唔係每次都要同呢位「第12名敵人」搏鬥。
(估唔到之前張改圖可以循環再用…)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
當卡些度被 VAR 升級做紅牌趕出場，但轉個頭阿仙奴嘅軒卡派亞 (Hincapie) 批踭批到查洛巴隻塊面腫起，泰萊竟然覺得只係黃牌嗰陣，史丹福橋嘅噓聲簡直震耳欲聾。馬蛇賽後拎住查洛巴傷勢嘅相片控訴「標準不一」，再次點著咗車迷嘅怒火。
有網友問：「點解又係佢？」、「我哋係咪特別黑仔？」、「有無數據睇下我哋遇著佢勝率係幾多？」
今次【車迷觀點】，我哋就響應訴求。用手頭上一份橫跨 2010 至 2025 年、長達 15 年嘅「泰萊執法車路士報告」嚟寫下。睇完你會發現，所謂嘅「黑仔」，其實係一個持續咗 15 年、甚至係「統計學上不可能」嘅異常現象。
數字唔會講大話 ： 50% 的死亡界線
講感覺無用，我哋直接睇數據。安東尼·泰萊係英超執法車路士場次最多嘅裁判之一，樣本數夠晒大，絕對唔存在「巧合」。
1. 消失的勝率：50% 的不勝魔咒
截至 2025 年 12 月，泰萊執法咗車路士 58 場 比賽。 結果係點？29 勝、14 和、15 負。 勝率剛剛好係 50%。即係話，只要泰萊吹雞，車路士就有一半機會贏唔到波。
大家要明白，2010 到 2025 年期間，車路士雖然經歷過重建，但都經歷過奪冠高峰。對於一支長期爭前四、甚至爭冠嘅豪門嚟講，長期勝率被壓縮到得一半，係一個毀滅性嘅數據。相比之下，佢執法阿仙奴同曼聯嘅勝率都接近 60%。
2. 紅牌之謎：0 vs 5 的極端對比
呢個數據先係最令車迷心寒。我哋將泰萊執法車路士嘅數據，同佢執法曼聯嘅數據拍埋一齊睇：
執法曼聯 (55 場)： 紅牌數目 = 0執法曼城 (49 場)： 紅牌數目 = 1
執法利物浦 (68 場)： 紅牌數目 = 1
執法車路士 (58 場)： 紅牌數目 = 5
係咪車路士球員特別暴力，嗯，呢個問題大家心照。 喺同樣嘅執法場次基數下，出現相對大嘅差異，喺統計學上係極度罕見。排除咗利物浦，泰萊來自大曼徹斯特地區 (Wythenshawe)，雖然條例話佢只係唔可以執法佢支持嘅地區球隊 (Altrincham FC)，但呢個紅牌數據，難免令人聯想到某種潛意識嘅偏向。
3. 黃牌風暴與情緒化執法
除咗紅牌，車路士亦係泰萊手下領黃牌最多嘅球隊 (135+ 張)。 大家記唔記得 2024 年 9 月對般尼茅夫嗰場？泰萊單場派咗 14 張黃牌，創下英超歷史紀錄，當中車仔拎咗 8 張。嗰場波根本唔係踢得好茅，純粹係泰萊失去控制、情緒化發牌嘅結果。
綜合以上數據話俾我哋知：當泰萊出現，車路士就要面對一個比平時更嚴苛、容錯率更低嘅判罰環境。
經典冤案重溫：泰萊嘅代表作
數據只係結果，真正令車迷對泰萊恨之入骨嘅，係佢喺關鍵時刻嗰種「主宰比賽」嘅能力。我隨便翻開檔案，都可以搵到令你 PTSD 發作嘅經典：
1. 2017 足總盃決賽：溫布萊嘅排球員
呢場係災難嘅開始。比賽初段，阿仙奴嘅山齊士 (Alexis Sanchez) 用雙手好似打排球咁將個波拍低，然後單刀入波。 當時旁證已經舉旗話藍斯越位干擾，但泰萊竟然走去同旁證傾咗一大輪，最後推翻判決，判入球有效。一場決賽，俾一個手球加越位嘅入球毀咗。干地賽後嗰句「非常清晰的手球」，充滿住無奈。
2. 2020 足總盃決賽：高華錫的冤獄
三年後，又係足總盃決賽，又係泰萊，又係阿仙奴。 比賽關鍵時刻，高華錫同薩卡爭波。慢鏡睇到高華錫只係輕輕掂到對方鞋尖，甚至係掂到波先。結果？泰萊毫不猶豫出示第二張黃牌趕佢出場。 前 PGMOL 主管 Keith Hackett 事後都忍唔住話：「這甚至算不上犯規。」但在泰萊眼中，車路士球員呼吸都係錯嘅。
3. 2022 史丹福橋之戰：扯頭髮都睇唔到？
呢個係核爆點。熱刺嘅羅美路喺禁區內扯住古古把長頭髮，成個人扯跌。泰萊就在事發地點附近，竟然表示無事。 最離譜係咩？後來 VAR 裁判 Mike Dean 自爆，話當時睇到扯頭髮，但因為泰萊係佢嘅「朋友」(Mate)，唔想送佢去睇螢幕令佢「難做」。 呢單野證實咗車迷長久以來嘅懷疑：原來裁判之間嘅私人關係，真係重要過比賽嘅公正性。
雙重標準的極致：昨晚的面腫
講返轉頭，如果泰萊係出名嚴，咁大家都無聲出。問題係，佢嘅嚴感覺好似只係單向針對車路士。琴晚對阿仙奴就係教科書級嘅雙重標準。
卡些度的紅牌 第 38 分鐘，卡些度鞋底踩向人哋隻腳。泰萊初時比黃牌，VAR 介入後升級做紅牌。 公道講，根據球例，鞋底向人的確係危險動作，比紅牌係常識，識波都唔會出聲嘈。
但問題係幾分鐘之後。阿仙奴嘅軒卡派亞喺爭頂嗰陣，用手肘直接批落細查洛巴塊面度。 結果？查洛巴塊面即刻腫晒，成個眼眶瘀黑。咁明顯嘅傷人動作，泰萊竟然覺得只係黃牌。
賽後馬蛇拎住張相，指住查洛巴隻黑眼圈問記者：「如果卡些度係紅牌，點解呢個唔係紅牌？」 呢個就係令車迷最火滾嘅地方。我哋唔介意你嚴，如果鞋底高少少要極刑，打人都唔應該輕判。呢種長期、持續嘅「執法溫差」，先係殺死比賽公平嘅元兇。
總結：統計學上嘅不可能：PGMOL 幾時先肯面對？
綜合 15 年嘅數據，安東尼泰萊執法車路士嘅紀錄，呈現出一種極度異常嘅模式。
最絕望嘅係，泰萊嘅錯誤永遠係「單向」嘅。過去 15 年，所有改變戰局嘅誤判（決賽入球、紅牌、補時爭議），受害者 100% 都係車路士。
豪門變中游，紅牌零對五，車路士呢15年嚟作為上遊球隊，正常勝率理應接近 60%（好似曼城、阿仙奴喺泰勒手下咁）。但泰萊竟然可以將我哋嘅勝率強行壓縮到 50%。即係話，只要佢吹雞，我哋就由一支強隊，被降格做一支靠運氣擲公字嘅中游波。
更離譜嘅係紅牌數據：執法曼聯 0 紅牌，執法車路士 5 紅牌。喺相若嘅場次基數下，出現 0 對 5 嘅極端差異，呢個先係真正嘅「統計學上不可能」。
雖然我哋無證據話佢收錢，但數據唔會呃人。既然佢來自曼徹斯特，既然數據差異大到咁離譜，PGMOL 係咪應該考慮避嫌，唔好再派佢嚟史丹福橋獻世？
對於車迷嚟講，我哋只係想要一場公平嘅競技，而唔係每次都要同呢位「第12名敵人」搏鬥。
(估唔到之前張改圖可以循環再用…)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊