獨裁者佛朗哥與皇馬巴塞的恩怨情仇

足球群英傳 於 27/05/2014 發表 收藏文章
1938年,西班牙因為內戰而沒有參加世界盃。這場內戰歷時兩年多,最後由右翼代表、國民軍的佛朗哥取勝,擊敗左翼的西班牙共和國。在這場戰爭中,3位法西斯領袖並肩作戰,在1937年,意大利的墨索里尼先派兵支援佛朗哥,總共約7萬名意大利士兵曾於西班牙作戰。德國的希特拉亦全力支持佛朗哥,除了給予豐厚的貸款外,還派出強大的空軍及陸上裝甲部隊,高峰期有近兩萬名德國人參與西班牙內戰。1939年,佛朗高成功剿滅共和國最後反撲,控制得住加泰隆尼亞的首都巴塞隆拿。巴塞隆拿可說是反佛朗哥的基地,所以佛朗哥在巴塞隆拿進行嚴厲的大清洗,停戰前一年已經在當地處決了一萬人,停火後,還有兩萬五千人被處決。也許只能靠殺戮,佛朗哥才控制得住巴塞隆拿。加泰隆尼亞人對西班牙人的仇恨,就是建立在血的歷史之上。

佛朗哥對西班牙的足球歷史影響巨大,如果沒有他,皇馬不會是歐聯十冠的班霸。

從現今地理,加泰隆尼亞及巴斯克地區都屬於西班牙,但這兩個地方的人一直認為自己不屬於西班牙,而是獨立的國家,他們一直希望爭取獨立自主權。加泰隆尼亞爭取獨立的故事已經上百年,持續至今,就算加泰隆尼亞今日得到很大的自治權,他們亦不斷尋求獨立。在這篇文章,將會主要講述佛朗哥與加泰隆尼亞的故事。

在佛朗哥獨裁政權之前,西班牙的主權屬於共和國政府,他們是左翼理念,給予加泰隆尼亞高度自治權。佛朗哥則是右翼政權,種族主義,幾乎所有理念與共和國政府相反,所以佛朗哥開宗明義,他要收回加泰隆尼亞的自治,並實施高壓管理。看完兩邊的立場,如果你的加泰隆尼亞,你會幫哪一邊?當然是共和國,所以加泰隆尼亞是支持共和國並反抗佛朗哥的中堅分子。不過,在墨索里尼及希特拉的支持下,佛朗哥勝出,加泰隆尼亞大難臨頭。

佛朗哥打贏西班牙內戰,成為西班牙的掌舵人。

為消滅一個地方,必先消滅那個地方的文化。佛朗哥全力打壓加泰隆尼亞的文化,包括不可以說自己的語言,而以足球為例,所有球會都不可以有非西班牙文的名字,而且強制要求所有球會會徽都不可以有加泰隆尼亞的旗幟。理所當然,球迷也不可以帶加泰隆尼亞的旗幟入場。

在二次大戰,西班牙名義上保持中立,但佛朗哥實際上默默支持他的兩個法西斯戰友,所以在戰爭結束後,其他國家都不願跟佛朗哥結交,導致西班牙在戰後遭國際孤立。怎樣去扭轉這個局面呢?怎樣去令全球注視西班牙呢?佛朗哥看到足球的潛力。他認為足球對外可以幫助西班牙打破孤立,對內則有助佛朗哥的統治。此時,佛朗哥的政權財政困難,面臨很大的壓力,他覺得足球可以讓人民分散注意力,緩解民間對政權的不滿。

佛朗哥挑選了首都馬德里的最大球會,皇家馬德里,他將皇馬變成自己的化身。當佛朗哥支持皇馬,很自然地,加泰隆尼亞的象徵巴塞隆拿就成為反抗佛朗哥的代表。佛朗哥是個獨裁者,對於反對他的人,他絕對不會有任何憐憫,所以在佛朗哥主政期間,巴塞遭到不同程度的打壓。

1936年,巴塞主席Josep Sunyol被殺死,但他的死跟佛朗哥沒有直接關係,而是他自己的無心之失。那時仍然是西班牙內戰,他前往一個佛朗哥控制的地區,但他以為那個地區由共和國控制。在關卡,他突然大呼「共和萬歲」,結果他就被佛朗哥的士兵殺死。當然,這件事跟佛朗哥撐皇馬、反巴塞沒有關係,因為那時佛朗哥都未掌握全國權力,更大程度上,這是Josep Sunyol自尋死路。

數佛朗哥首次干預皇馬與巴塞間的足球,就是1943年西班牙國王盃準決賽。在首回合,巴塞在主場贏了皇馬3:0。由於皇馬代表政府,巴塞就代表反政府,所以佛朗哥絕不容許皇馬大敗於巴塞腳下,若果這種情況出現,可能會動搖到他的政權及威信,所以他要出手了。他派國家的保安官員訪問巴塞,然後威迫利誘。在生命受到威脅之下,巴塞球員就範,在次回合,皇馬以11:1大勝巴塞。

電視的出現令佛朗哥可以很強力地宣傳皇馬。他會巧妙利用足球廣播,去防止社會動亂。一旦政府發現有潛在騷亂的危機,電視台就會播足球比賽,分散人民的注意,減少走上街頭的人民。至於會播那支球隊的比賽?就是皇馬。每個周末,全個西班牙都可見看見皇馬的比賽。佛朗哥的心思很簡單,他要人民掛住看皇馬比賽,而忘記上街示威。

佛朗哥當然會親自去班拿貝球場捧場。

雖然得佛朗哥關照,但皇馬初頭的成績不爭氣,在1939年至1954年期間,他們連一次聯賽冠軍也沒有,反而宿敵巴塞就有5個聯賽冠軍。1953年,佛朗哥再次介入皇馬與巴塞的足球之爭,幫皇馬簽入迪史提芬奴。這筆轉會中包含了貪腐、密室政治及佛朗哥的專制。那種的粗暴無理,應該是皇馬史上的污點。

那時候,迪史提芬奴效力哥倫比亞球隊百萬富翁,有次他來馬德里踢友誼賽,他的表現引起皇馬及巴塞的關注。一開始,巴塞首先接觸迪史提芬奴,談判進展順利,迪史提芬奴還為巴塞踢過幾場友賽。佛朗哥很清楚迪史提芬奴的實力,他絕不容許這個阿根廷射手加盟巴塞,所以他用盡一切手段,去阻止這宗轉會。

有日,時任巴塞主席Marti Carretó在馬德里的酒店落腳,突然一班人衝入房間,將Marti Carretó捉住。那班人跟他說,政府將會審查他的紡織廠,並加收沉重的稅項,除非巴塞願意將迪史提芬奴交給皇馬。面對這種情況,巴塞還有甚麼辦法!其後,有人提出迪史提芬奴輪流為巴塞及皇馬上陣,第一季踢巴塞,第2季踢皇馬,如此類推。巴塞覺得這是侮辱性的建議,便決定放棄迪史提芬奴。轉會後一個月,巴塞就在國家打吡中被迪史提芬奴攻入4球,但巴塞根本沒有資格去後悔。如果不放走迪史提芬奴,後果比輸一場波更嚴重。

佛朗哥向皇馬球員頒授歐冠盃獎盃。

皇馬在歐冠盃5連冠,迪史提芬奴居功至偉。

得到迪史提芬奴後,皇馬實力大增,成為歐洲班霸,除了連年聯賽封王外,在1955至1960年間,他們連續5屆歐冠盃封王。在50至60年代,皇馬是西班牙球壇的霸主。除了皇馬之外,佛朗哥亦會收編其他球會,例如馬德里體育會,當時馬體會曾跟空軍合併,入面有些球員是空軍士兵。另外,佛朗哥還在巴塞的地頭培養愛斯賓奴,為巴塞樹敵。愛斯賓奴在西班牙文的意義就是西班牙人,立場明顯與加泰隆尼亞地區對立。愛斯賓奴是佛朗哥的鷹犬,全力支持佛朗哥的政權。早在內戰期間,有個愛斯賓奴球迷組織加入法西斯陣容,對抗共和軍,而在加泰隆尼亞的獨立運動中,愛斯賓奴則是反對獨立的一群。

對佛朗哥來說,捧起皇馬的作用豈只於穩定內部,還可以向外宣傳西班牙。佛朗哥是法西斯主義者,他的最大敵人就是共產主義的蘇聯。由於皇馬在50年至60年代取得極大成功,揚名歐洲,佛朗哥就以此為宣傳,呼籲在東歐的球員來西班牙落班,據講匈牙利的普斯卡斯也因此轉投皇馬。由於佛朗哥在反共方面不遺餘地,在冷戰期間得到資本主義陣容首領美國的關注,讓西班牙逐漸擺脫孤立。透過皇馬,佛朗哥塑造西班牙成功及富有魅力的形象,再向其他國家推廣。

在皇馬的成功之上,佛朗哥希望西班牙國家隊都可以在大賽取得好成績。他採用的方法十分簡單,就是歸化外藉球員,包括來自阿根廷的迪史提芬奴、來自匈牙利的普斯卡斯、來自捷克的古巴拿。然而,雷聲大、雨點小,在1962年世界盃,西班牙陣中有迪史提芬奴及普斯卡斯,但兩人已經35歲,又受傷病困擾,最後西班牙分組賽出局。另外在1960年舉行的歐國盃,西班牙亦有參加,但在外圍賽的最後一圈,他們要對歐洲第一強隊蘇聯,兩隊爭一個決賽周資格。佛朗哥心知肚明,西班牙一定不夠蘇聯踢,還有可能大敗,如何是好呢?

若果是皇馬對巴塞,佛朗哥還可以向巴塞施加政治壓力,但如今對手是蘇聯,對手怎會賣你佛朗哥的賬,而且恨不得將西班牙大炒,以顯共產主義的威風。佛朗哥最後選擇退賽。反正都贏不到,那就退出,至少不用輸,可以在國家子民面前保住顏面。在1960年歐國盃,蘇聯順利晉身決賽周,並奪得最後冠軍。

不過,佛朗哥沒有放棄足球夢,他申辦了1964的歐國盃決賽周,今次西班牙沒有迪史提芬奴及普斯卡斯,但成績更好。西班牙順利踢入決賽,與共產勁敵蘇聯爭冠軍。這一次,西班牙沒有退賽,在班拿貝球場近8萬名球迷的支持,這支沒有歸化球員的西班牙以2:1擊敗蘇聯,奪得歐國盃冠軍。這場勝利不但屬於西班牙足球,還是屬於佛朗哥,一個法西斯主義國家擊敗了一個共產主義國家。

西班牙在1964年捧走歐國盃。

不論佛朗哥的政權是否成功,直至他在1975年逝世,西班牙也是他的王國。靠足球,佛朗哥穩定國內政局,並為打造良好的國際形象。不過,政治由此與西班牙足球密不可分,滲透到每個球迷,成為一種文化。在2008年的國王盃決賽,巴塞對畢爾包,當西班牙國歌奏起時,兩邊的球迷都沒有理會,甚至報以噓聲。雖然佛朗哥已經逝去,獨裁帝國亦早就灰飛煙滅,但西班牙球會間的種族及文化仇恨仍未消除,每星期在聯賽中上演。


參考文章:Fascism & Football: The political history of Spanish football

你的支持,我的動力!給足球群英傳https://www.facebook.com/footballherostory一個like啦!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Jonathan Neuer Yu
    Jonathan Neuer Yu 於 27/05/2014 評論 NO. 1

    .........一個法西斯主義國家擊敗了一個共產主義國家.....

  • Chan Tsz King
    Chan Tsz King 於 27/05/2014 評論 NO. 2

    迪史提芬奴幫埋巴塞落場都要轉番去皇馬你就知咩料啦

  • HarryHo
    HarryHo 於 27/05/2014 評論 NO. 3

    點解巴塞同皇馬係宿敵?

    點解皇馬可以靠迪史提芬奴連奪頭5屆歐冠?

    點解係1943年國王盃,巴塞首回合主場贏3:0,次回合會輸番1:11?

    同埋,邊個係佛朗哥?

    睇完呢篇野明晒!

  • 黃浩深
    黃浩深 於 27/05/2014 評論 NO. 4

    我係加泰人 基本上一出世 就比馬德里果面歧視 啊爺
    成日都講以前政 府點樣打壓佢地 所以我好憎西班 牙
    政府,馬德里 佢仲講過好耐以前既 皇馬會捉巴塞球員
    既屋企人/老 婆威脅佢地 又殺我地好多人 又要我地交
    好多好多稅
    其實個情況有少 少似你地唔鐘意共產黨 不過我地既
    種族仇恨係比你 地深好多好多

  • Bobby Lee
    Bobby Lee 於 27/05/2014 評論 NO. 5

    Kaikai Leung

  • Kaikai  Leung
    Kaikai Leung 於 27/05/2014 評論 NO. 6

    Puskas

  • Isaac Shea
    Isaac Shea 於 27/05/2014 評論 NO. 7

    好正!!!

  • Cheuk Yin D Yung
    Cheuk Yin D Yung 於 27/05/2014 評論 NO. 8

    Alex Draven Pang this story

  • Yeung Ho Lun
    Yeung Ho Lun 於 27/05/2014 評論 NO. 9

    仲以為係史高拉利年輕版

  • Leslie Cheung
    Leslie Cheung 於 27/05/2014 評論 NO. 10

    係C朗哥既祖宗?

  • Ben Chun
    Ben Chun 於 27/05/2014 評論 NO. 11

    廢疤 之前D疤迷成日J5比0 原來以前已經比皇馬大炒11:1 哈哈

  • 蔡少
    蔡少 於 27/05/2014 評論 NO. 12

    獨裁狗的嘴臉都一般,從個歷史故事看到幾多今日香港的情況?要消滅一個地區,必先消滅其文化;每逢動亂示威,用足球(娛樂,維穩騷)轉移視線。sor,我9唔搭8。

  • Kwong Yun Lam
    Kwong Yun Lam 於 27/05/2014 評論 NO. 13

    詳細

  • Ning Chu
    Ning Chu 於 27/05/2014 評論 NO. 14

    仆街皇馬

  • Adrian Lee
    Adrian Lee 於 27/05/2014 評論 NO. 15

    一篇精彩文章!道出極權介入足球不光彩歲月!

  • Ryan Yim
    Ryan Yim 於 27/05/2014 評論 NO. 16

    如來如此

  • Jason Lee
    Jason Lee 於 27/05/2014 評論 NO. 17

    皇馬的霸道並非一天建造..

  • Heisun  Lau
    Heisun Lau 於 27/05/2014 評論 NO. 18

    原來巴塞比皇馬大炒11:1唔係因為實力既差距,而係政治原因

  • Adrian Lee
    Adrian Lee 於 27/05/2014 評論 NO. 19

    年輕人不要單看面前虛幻景象而放棄真實未來

  • Ngan Ping
    Ngan Ping 於 27/05/2014 評論 NO. 20

    惶馬真係失敗中既失敗

  • Yin KAi Yuen
    Yin KAi Yuen 於 27/05/2014 評論 NO. 21

    但是佛朗哥好像撐皇馬而貶低巴塞隆拿。

  • Ngan Ping
    Ngan Ping 於 27/05/2014 評論 NO. 22

    簡直羞家

  • Nomancan Killme
    Nomancan Killme 於 27/05/2014 評論 NO. 23

    獨裁有獨裁的好

  • Vincent Chiu
    Vincent Chiu 於 27/05/2014 評論 NO. 24

    Ben Chun找數呀

  • Ja Bin
    Ja Bin 於 27/05/2014 評論 NO. 25

    蝗馬法西斯!

  • 容真亮
    容真亮 於 27/05/2014 評論 NO. 26

    皇馬呢段歷史真係污點。

  • 崔海
    崔海 於 27/05/2014 評論 NO. 27

    我想講其實獨裁係得一個人
    關皇馬咩事
    皇馬係當時都只係被人當做政治手腕
    希望大家客觀分析討論

  • 徐逸東
    徐逸東 於 27/05/2014 評論 NO. 28

    運動跟本代替了戰爭

  • Lok Ng
    Lok Ng 於 27/05/2014 評論 NO. 29

    智障哥終於唔再自己讚自己

  • Cary Chan
    Cary Chan 於 27/05/2014 評論 NO. 30

    唔係掛?

  • Apollo Chan
    Apollo Chan 於 27/05/2014 評論 NO. 31

    好文!

  • TinYau Q. Au
    TinYau Q. Au 於 27/05/2014 評論 NO. 32

    物以類聚

  • William Cheng
    William Cheng 於 27/05/2014 評論 NO. 33

    就算係咁又點?競技運動唔需要滲入歷史 作為球員球迷 享受現在足球帶黎的快樂就夠

  • Adrian Lee
    Adrian Lee 於 27/05/2014 評論 NO. 34

    William:你意思是自己快樂便足夠,現實點衰我吾理!

  • Yiu Man So
    Yiu Man So 於 27/05/2014 評論 NO. 35

    跟本唔關皇馬事
    皇馬當是只係被迫先要做佛朗哥嘅傀儡

  • TinYau Q. Au
    TinYau Q. Au 於 27/05/2014 評論 NO. 36

    聽講係皇馬成日 J 歷史

  • Kit Lau
    Kit Lau 於 27/05/2014 評論 NO. 37

    good article with good depth
    thank you

  • Tony Fok
    Tony Fok 於 27/05/2014 評論 NO. 38

    呢個時候馬迷就會講中立客觀

  • Samuel Ng
    Samuel Ng 於 27/05/2014 評論 NO. 39

    足球運動本身就係戰爭, 唔計賽後暴亂騷動, 還好唔會流血死人、家破人亡, 同時又俾到地方俾xx主義、xx黨去較勁。

  • William Cheng
    William Cheng 於 27/05/2014 評論 NO. 40

    Adrian: 享受足球本身的激情 捧皇馬的會為奪冠而歡呼 捧馬體會的會為落敗而落淚 享受足球的時候重要加入現實 做人真係可悲, 我講的係足球本身 望清楚先去曲解我的意思

  • Delfin Delfin
    Delfin Delfin 於 27/05/2014 評論 NO. 41

    吾靠呢d,皇馬點有10次歐聯冠軍呀

  • Lewis Cheng
    Lewis Cheng 於 27/05/2014 評論 NO. 42

    果啲話吾關皇馬嘅皇迷根本就選擇性失明!同港視攞吾牌,根住TVB幫政府同自己

  • Li Chi Ming
    Li Chi Ming 於 27/05/2014 評論 NO. 43

    有權力唔用
    唔通似啲正義傻西咩?
    咦?你幾個歐聯丫?
    哦!我第十個lo

  • Matthew Torres
    Matthew Torres 於 27/05/2014 評論 NO. 44

    其實依篇野可唔可信

  • Adrian Lee
    Adrian Lee 於 27/05/2014 評論 NO. 45

    William:兩邊球會我都吾是最喜愛,但歷史是無可改變。舉多一個歷史現實資料,抽象大師畢加索當時甚得西班牙政府喜愛,但是他正正就是支持大量金錢巴塞革命。而今天西班牙馬德里經濟近乎破產,足球又再一次成為政治工具

  • Matthew Torres
    Matthew Torres 於 27/05/2014 評論 NO. 46

    唔好人講你就信咁智障

  • Chuk Hung Lo
    Chuk Hung Lo 於 27/05/2014 評論 NO. 47

    要不是佛朗哥...

  • Pinghin Ng
    Pinghin Ng 於 27/05/2014 評論 NO. 48

    其實到現在 馬德里,華倫西亞,加泰既市政府都有介入球會財政,只不過三方角力而已

  • 巴塞隆拿-Forca Barca
    巴塞隆拿-Forca Barca 於 27/05/2014 評論 NO. 49

    雖然皇馬係被當作政治手腕,係被動嘅一方,

    但亦即係話皇馬有今日嘅成就係某程度上係靠個黑暗嘅首都政府,

    由以前打壓宿敵到可以向政府借貸,皇馬絕對要多謝政府咁嘅幫助!

    同埋皇馬果10次歐聯冠軍,有5次係靠迪史提芬奴連奪頭5屆!

    而迪史提芬奴呢個功臣點解係皇馬踢波,有睇篇文就知係用「勒索」強行簽入!

    雖然,就算冇阿佛朗哥同政府支持,皇馬都可能係一支強隊,但肯定未做到宜家嘅成就!

  • Lewis Cheng
    Lewis Cheng 於 27/05/2014 評論 NO. 50

    請各位想否定人地講嘢前,查清歷史吧!呢篇野講漏左小小~佛朗年代,加泰隆尼亞人係吾可以聚集,同講加泰隆尼亞話,除左係Barca主場先可以講。所以,而家係魯營仲有好多伯伯帶住一位加泰隆亞旗嘅椅套,套係自己張櫈上去紀念!

  • Delta Yip Yik Hong
    Delta Yip Yik Hong 於 27/05/2014 評論 NO. 51

    唔需要滲入歷史,即係發生過嘅可以當無件事?你而家享受足球嘅激情就得,當年巴塞球員同球迷就要享受輸 11 球?

  • Jacky Yiu
    Jacky Yiu 於 27/05/2014 評論 NO. 52

    Matthew Torres 咁你係咪有其他已證實既歷史去推翻呢篇文?
    無就唔好響度看透世事咁樣

  • Dolphin Wong
    Dolphin Wong 於 27/05/2014 評論 NO. 53

    呢段歷史一早已知,所以明白點解美斯都會用波省皇馬迷。

  • Dolphin Wong
    Dolphin Wong 於 27/05/2014 評論 NO. 54

    歷史仲有段小插曲,係弗朗哥將巴塞羅那球隊改埋名,仲好似係個logo加左頂皇冠。後來到弗朗哥時期完左先正常番。

  • Lewis Cheng
    Lewis Cheng 於 27/05/2014 評論 NO. 55

    Li Chi Ming - 你同關青協無分別!

  • Hin Leung
    Hin Leung 於 27/05/2014 評論 NO. 56

    好文 好文!文筆恰到好處而内容詳細 佩服!

  • Cheuk On Ng
    Cheuk On Ng 於 27/05/2014 評論 NO. 57

    你覺得唔可信咪自已去查下囉
    基本上球齡耐d既都大般知

  • Max Kun
    Max Kun 於 27/05/2014 評論 NO. 58

    支持巴塞果然係正確👍

  • Cheuk Hang Ramos Chow
    Cheuk Hang Ramos Chow 於 27/05/2014 評論 NO. 59

    真係估唔到兩隊間的恩怨要數到咁長遠~

  • Pinghin Ng
    Pinghin Ng 於 27/05/2014 評論 NO. 60

    篇文想塑造巴塞係對抗強權既象徵(當然當時可能係), 利用香港人反獨裁同反共既情緒去到挑起仇恨, 但係其實佛朗哥既致力反共, 不是也有一部分與我們同一陣線吧?
    加泰隆尼亞地區, 到依家行番共和制, 都要獨立, 究竟係歷史原因定係當其他地區係包袱,只係當地人/政府先會知
    有留意西班牙既新聞, 係巴塞六冠王+2010世盃奪冠後, 邊個利用黎做獨立既依據,心知肚明
    其實大家都係當足球係政治工具吧, 根本無正邪之分

  • Lewis Cheng
    Lewis Cheng 於 27/05/2014 評論 NO. 61

    Pinghin Ng - 我吾知你對呢段(或西班牙)歷史有幾了解!佛朗哥絕對係一位滿手鮮血嘅法西斯主義者!佢係反共,但佢嘅鐡血+獨裁政治嘅35年殺死左幾多人,你又知吾知?
    就算到而家加泰隆尼亞省占左整個西班牙嘅30%GDP,竟然都得吾中央政府嘅幫助,大部份都係省政府支出!我相信皇馬涉及政治層面比任何球會都多~好簡單當日點解咁有錢可以收購6條A,就係馬德里政府收皇馬訓練場塊地。但整個市嘅多的是,點解係要收呢?仲有,呀主席嘅Bankia bank差少少破產,點解仲可以出咁多錢買人?吾係政府出錢,點攪得掂?

  • Aliver To
    Aliver To 於 27/05/2014 評論 NO. 62

    當運動涉及左政治就吾係咁簡單 皇馬只係佛朗哥既棋子 關佢地咩事?

  • Aliver To
    Aliver To 於 27/05/2014 評論 NO. 63

    當運動涉及左政治就吾係咁簡單 皇馬當時只係佛朗哥既棋子 之前又吾見你地講呢啲 人地攞左第10冠就攞番出泥講 原因?

  • Delfin Delfin
    Delfin Delfin 於 28/05/2014 評論 NO. 64

    原因係呢個post未出,咁都要問?

  • Lewis Cheng
    Lewis Cheng 於 28/05/2014 評論 NO. 65

    樓上係你少留意呢啲資料姐!咁啱有人驛左中文未講下!甘敏感㗎!
    但係皇馬亦係既得利益者,呢個係鐵一般的事實!

  • kinfung
    kinfung 於 28/05/2014 評論 NO. 66

    matthew torres,其實你可以收皮,你識條春咩,冇證據推翻人地又話人智障,你先最智障
    支持巴塞最正確

  • Hing Lun Laam
    Hing Lun Laam 於 28/05/2014 評論 NO. 67

    話因為歷史係咁就放棄唔支持個d真係得啖笑 你真係鐘意個樣野就無論點都會撐落去架啦

  • Aliver To
    Aliver To 於 28/05/2014 評論 NO. 68

    時間性上真係咁吻合?anyway 我只係理性討論 我想表達既只係某啲人借呢啲歷史黎踩多幾腳姐。

  • Trey Ko
    Trey Ko 於 28/05/2014 評論 NO. 69

    為d黑歷史嘈,都唔知嘈到幾時
    嘈完無結果嘅,果d叫嘥氣

  • Torres Choi
    Torres Choi 於 28/05/2014 評論 NO. 70

    睇留言仲以為巴塞係正義之師,09年歐聯巴塞未又係靠黑哨贏冠軍。唔好同我講巴塞係被動,係球證多事出手幫拖。 利申 非中立客觀分析

  • 趴地
    趴地 於 28/05/2014 評論 NO. 71

    政治遊戲

  • Lewis Cheng
    Lewis Cheng 於 28/05/2014 評論 NO. 72

    其實,每個人都可以自由選擇已經非常好!但千歧吾可以當無事發生,因歷史經常重演~我相信無人想走回頭路!
    Torres Choi - 無人講話巴塞係正義非常既球隊(我相信世沒一支球隊可以自命係正義之師)!亦沒人講過巴塞係被動的!之不過有好多悲劇發生過!

  • Thomas Li
    Thomas Li 於 28/05/2014 評論 NO. 73

    要讚作者。讓後輩們都了解更多

  • Spencer Lam
    Spencer Lam 於 28/05/2014 評論 NO. 74

    我覺得係指出咗足球嘅魅力冇人抵擋得住💪⚽️

  • Marco Kong
    Marco Kong 於 28/05/2014 評論 NO. 75

    佛朗哥正仆街
    醒下啦皇馬迷,如果無佛朗哥你地唔會買到迪史提芬奴,咁既話你地會唔會贏到甘多歐聯呀之前

  • Szho Lee
    Szho Lee 於 28/05/2014 評論 NO. 76

    雖然我都唔鐘意呢d獨裁政府。但就因為數十年前被作政治工具而留下污點(而家仲有其他污點都唔定),就唔可以作一隊球隊嘅球迷??其他球隊又會無污點嘅??而家我係足球迷,而唔係政治迷,同埋足球係一隊人踢唔係一個人踢,成日如果如果、邊有咁多如果呀???
    利申:暫時摩帥迷

  • Hilton Chris Kwan
    Hilton Chris Kwan 於 29/05/2014 評論 NO. 77

    我相信多數人不會反對皇馬從以往到今天,都是一支勁旅
    從歷史和政治的角度,皇馬在西班牙政府的不光彩手段下得到無數好處,甚至到現在仍影響着,這是無可否認的事實,作為忠實球迷更一定要認識
    但我覺得,支持皇馬是否等於支持法西斯?在現今社會特別歐洲,普遍對納粹及法西斯是零容忍。足球某程度無法與政治分割沒錯,但不等於埋沒個人意志

  • Mark Tsui
    Mark Tsui 於 31/05/2014 評論 NO. 78

    Marco Kong 工单唇……😆😆

快捷鍵:←
快捷鍵:→