阿仙奴「一廂情願系列」即將再添一員

借希古恩轉會事件
連續發表左兩篇有關雲加轉會哲學同媒體發放轉會傳聞既文章
不是險簽，希古恩就算加盟祖雲達斯又如何?
又希古恩? 唔該confirm左先好同我講野啦
今日就講下呢幾日阿迷新轉會希望 - 馬列斯 (Riyad Mahrez)

有網民表示險簽一詞原於雲加自稱好多球壇巨星級球員
年輕既時候都被傳曾經入過雲加既收購名單入面
但最後都因唔同原因無加盟到而於日後發光發亮
並非媒體創造既詞語

以阿仙奴熱愛購買幼齒既習慣
佢地既球探網絡曾經接觸同觀察過無數咁多新星係非常正路
當中成材既唔少
但我都幾肯定不成材既比例應該會更多
不過不成材既寫黎都無咩意思
所以睇出黎既報道就會變左雲加自抽
簽唔成既個個都係球星
但「險簽」兩個字係媒體發揚光大呢樣野係無容置疑既

與其又要用險簽去形容馬列斯今次既轉會
咁我不如用一個更加貼切既新Term
叫做「一廂情願」系列
顧名思義
就係你單方面以為好近
實際上其實從未接近過既球員
馬列斯同希古恩都係屬於呢一類

又係睇賠率做人既時候
寫呢篇文既時候
馬列斯係轉會窗完結前加盟阿仙奴既賠率
係3.25倍
去車路士既賠率係3倍
留隊賠率就係2.38倍

係咪好似馬會主客和賠率呢?
阿仙奴仲要係最冷個一邊
仲冷過你早兩日聽都冇聽過會出價既車路士
咁呢單轉會有幾堅?
又係個句: 大家明啦
就算佢踢完友誼賽之後就話去左倫敦
都未必係準備著紅色衫
呢d 點會叫「險簽」先?
好明顯就係「一廂情願」。

今季阿仙奴唔係無「險簽」既
個個人
叫做占美華迪 (Jamie Vardy)
係小弟認為雲加本身行得非常正確既一步棋
無論價錢國籍再加上阿仙奴既需要性可惜最終功虧一簣

至於個d咩伊卡迪(Mauro Icardi), 莫拉達(Alvaro Morata)
更加係寫黎我都覺得呃緊大家感情
真係有消息
第一時間會同大家update