久疏戰陣踢歐霸 史達高沙連環不幸斷送拉素3分 精選

【 日常賽後評 - 歐霸 加拉塔沙雷 對 拉素 - 史達高沙 】


拉素嘅26歲阿爾巴尼亞籍門將史達高沙非常不幸地做曬今週歐霸賽事嘅焦點，全因佢唔小心地將個波拍咗入網令拉素僅輸 0：1 全失三分。

首先拉素嘅拿沙利將傳中踢高，史達高沙見仲有時間就回身面向龍門起跳。之後佢嘗試接實但點知竟然甩手，拍咗入網。

首先我相信大家都會認同如果面向龍門，拍走個波可能比較穩陣，始終容錯率比較高，史達高沙嘗試接實確實比較冒險，如果接得實都還好，不過事實就係多數都事與願違。