德甲一大奇案---球證發雞盲 賀芬咸 1-2 利華古遜

成日都話球證係唔係需要搵「奧比斯」贊助,因為佢哋真係好需要驗眼!今日凌晨上演德甲賀芬咸主場對利華古遜,場波打到69分鐘利華領先一球嗰陣,傑斯寧接應頭槌頂出界,但賀芬咸個龍門網穿窿,搞到個球漏入個網內。當事人傑斯寧就知咩事,所以都無慶祝入波,點知球證竟然話球波入咗,傑斯寧見點解有咁旬嘅事就梗係立即「交戲」慶祝啦!雖然已有賀芬咸球員搵番個窿畀球證睇,但球證似乎好相信自己嗰副眼睛,仍然死撐判個波入咗,賀芬咸落後到0比2。雖然追番1球,但都以1比2輸波,怪自已主場都唔幫自己啦!

除咗睇到「世紀入球」之外,仲有奇蹟12碼中兩次柱唔入事件。83分鐘賀芬咸獲得12碼並由羅拔圖法明奴主射。點知呢位劊子手射球被擋出之餘,即刻補射又中柱…最奇嘅係亂軍中再射多次又中番同一條柱彈出!

全場精華
https://www.dailymotion.com/video/x164swz_hoffenheim-1-2-bayer-leverkusen-all-goals_sport
http://www.youtube.com/watch?v=vQZmRqxnH6M&feature=youtu.be

球證佩治就話:「其實我都有懷疑,但無人反對。之後我同傑斯寧傾過,佢無話呢個唔係入波。其實頂咗球波過去之後,個球就喺網入面出現,正常嚟講都會認為係正常入球,但依家我可能撤回呢個決定。」


鬼咩!原來球證你問個受益者傑斯寧個波係唔係入咗,畀我都呃咗你先啦,嚴重蠢!

教練希比亞賽後就話:「的確,咁樣贏係令我有啲唔舒服,但我都唔可以走入球場推翻球證判決。」而當事人傑斯寧亦講風涼話:「比賽後感覺一直唔好,呢個係好壞情況。」



賽後賀芬咸職球員都嬲爆,仲喺官網度話「幽靈球畀咗利華古遜有爭議嘅勝利」,仲會話一定會上訴,希望好似94年拜仁對紐倫堡場波咁,可以重賽。


而呢個情況好似熟口熟面,皆因94年喺德甲曾經出現過。想當年拜仁慕尼黑對住紐倫堡,拜仁亦同樣有問題球出現,雖然即場被判入球有效,仲要幫拜仁贏2比1,但賽後紐倫堡上訴,足總決定重賽。

原來穿網入波都唔係今日嘅事


http://www.youtube.com/watch?v=b_-H0_Q946M

曉姆斯話從沒見這樣的事

利華稱不知發生咩事


舜文強尼評論

筆者作為曼聯球迷,當然記得佩治呢位德國籍球證,因為佢曾經喺2011年歐聯分組賽,曼聯作客羅馬尼亞球隊加拉治時,以紅牌趕咗隊長尼曼查維迪出場。不過,近期啲就係今年初歐聯16強皇馬對曼聯首回合戰,就反而多得佢「幫手」作出多個有利判決,紅魔先可以頂得住皇馬以1比1打和。

留言


請按此登錄後留言。未成為會員? 立即註冊
    快捷鍵:←
    快捷鍵:→