FIFA19 Ultimate team最新資訊:Swap Deals Rewards

FUT Survivor 於 08/10/2018 發表 收藏文章
相信有玩FUT嘅玩家都有留意到,近期有一個令人垂涎三尺嘅SBC出現左啦!呢個就係Swap Deals Rewards,不過好奇嘅係,佢要求比較特別,唔係用平常玩家手持嘅咭牌黎完成SBC,而係要用Swap Items cards去完成。

所謂嘅Swap Items cards係期間限定出現嘅咭,而佢地並唔會係咭包出現,可能大家會驚緊會唔會係一D要貨金嘅野呢?不過我可以放心咁同大家講,EA不嬲間中都會出一D佛心SBC,只要完成只定要求就可以獲取優質嘅特別球員咭,例如今次活動入面,就有比較搶眼嘅拉蘭拿Lallana 同埋 艾沙拉維 Shaarawy啦。


講左咁耐廢話,要入正題啦,咁點先有呢D Swap Items cards牙?方法有三個1.指定SBC 2.指定任務 3.指定Squad battle活動,現在已經出現左1,2呢兩種方法,任務並唔複雜,只要勝出3場Rivals就可以。當然對於比較偏向喜歡單機嘅玩家黎講就有難度,但唔緊要,仲有SBC提供比不同層面嘅玩家,而今次呢個SBC成本約$4000,做唔做得過就見仁見智啦。

見仁見智?唔好玩讀者啦,下下聽你吹水咁睇黎做乜?咁筆者就以其中一個Swap Deals Rewards同大家計計抵唔抵啦,其中最高級嘅SBC兌換咭包係須要10張Swap Items。

咭包內容係PRIME GOLD PLAYERS PACK,12位球員,最少10張金,6張Rare,購入價係$45000,若果全部Swap Items都以SBC黎獲取,都係須要約$40000價錢,當然相信大家唔會只係靠做SBC黎換取Swap Items嘅,所以其實今次Swap Deals Rewards真係幾抵!有冇須要做哂?又冇嘅,量力而為啦,同埋集中換取岩用自己嘅球員都係唔錯嘅選擇。

最後筆者想介紹埋今次活動本人會換嘅一張咭——拉蘭拿Lallana。
點解想介紹佢呢?最主要原因係太吸引,其次係筆者本身都係玩英超隊。
呢張拉蘭拿比本來嘅普通咭提升左5點價值,而呢張SBC咭令到本身不完美嘅佢變得更完美,上升至75速度之後,可以令佢攻守嘅效率有明顯嘅改善,加強左嘅傳球同控球令佢作為中場中更上一層樓。

大部分玩家都必定放一張工兵型嘅球員,而今次Swap Deals Rewards嘅拉蘭拿又為大家提供多一個優質選擇。

如果中意我嘅文章,歡迎分享,亦可以讚埋我個FB專頁同埋留意最新動態,多謝。
https://m.facebook.com/futsurvivor/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→