2015年夏季轉會窗關閉,英超總支出11.68億歐元成五大聯賽第一

足球轉會消息 於 04/09/2015 發表 收藏文章
歐洲五大聯賽轉會窗口都全部關閉,最終英超以11.68億歐元笑傲群雄,通過賣人收左5.75億歐元,淨支出竟然高達5.93億歐元,英超成為今季五大聯賽中「最燒錢」嘅聯賽。
總支出方面,除左英超(11.68億歐元)係第一名之外,緊隨其後嘅係意甲5.76億歐元、西甲5.72億歐元、德甲4.11億歐元、法甲3.09億歐元。從以上數據可以清楚睇到,英超總支出相當於意甲同西甲兩大聯賽投入嘅總和,淨支出更係大過五大聯賽總和,英超嘅經濟能力足以震撼世界。
英超今年能夠獨占鰲頭,「最大功臣」要得益於曼徹斯特雙雄同利物浦嘅幾筆大手筆。英超個人轉會身價排名榜上,曼城包攬頭兩名,迪布尼以7500萬歐元摘得標王,史達寧以6250萬歐元緊隨其後,曼聯最後時刻以5000萬歐元簽下嘅小將馬迪爾排名第三,四到六名依次序係利物浦嘅賓迪基(4650萬歐元)、曼城嘅奧達文迪(4460萬歐元)、利物浦嘅費明奴(4100萬歐元)。
值得一提嘅係,熱刺以3000萬歐元簽下韓國球星孫弘文,都成為亞洲身價最高嘅球員,而今年其他兩大豪門車路士同阿仙奴就略顯「寒酸」,兩隊轉會費最高球員分別係柏度(2700萬歐元)同施治(1400萬歐元)。

留言


請按此登錄後留言。未成為會員? 立即註冊
    快捷鍵:←
    快捷鍵:→