足球--(理想與現實)第一集 #1 精選

喂!其實你第時大個最想做d咩職業呀?!---明仔

第時大個緊係想做職業足球員啦!好似C朗咁一個月搵幾百萬!---文仔

你估話咁易咩!係香港做職業足球員一個月同做一份文員又有咩分別?!---明仔

雖然係香港踢波係無咩前途!但起碼都叫做過職業球員丫!---文仔

其實你係中意C朗既人工定係職業足球員個種滿足感呀?!---明仔
兩樣都中意!但係係香港兩樣都得唔到!一尼香港足球無龐大既贊助,二尼香港波根本就無人睇!---文仔

咁又係丫!足總連開會都無次夠人既!d經費你估下去左邊?!東亞運個時政府有講過話增加資源架!但係,我地咪仲係係樓下街場踢緊街波!一支區隊得廿個人!一區有幾十萬人,何況入到區隊都仲要自己出錢踢波!---明仔

你講開又係喎!其實我地香港踢過世界盃丫?!---文仔

緊係未啦!雖然Kim Sir係個好教練!但係連個大球場都唔合格,幾好波都無用啦!---明仔
我就覺得想香港足球進步,反而要靠我地加倍努力!---文仔

我地努力有用咩?!---明仔

就算無成果都起碼努力過丫!如果我地得個講字,咪好似政府咁囉....---文仔

講得好!不如我地一齊研究下英超,西甲個d球員走位同戰術!跟住約埋其他人練波!踢得好入埋港隊!再入埋世界盃!---明仔

聽落好似係一個夢咁!但起碼我地有理想同目標!---文仔

-------------幾日後---------------

喂!我地點練波好呀!---彰仔

插花個d唔好諗住啦!我聽人講踢波最緊要係講意識!練左one-two 走位先啦!---文仔
點練丫!好簡單咋喎!---明仔

咁簡單,但係我地好小係比賽到用喎!我地通常都係一拎波就死沖上去,射波!---彰仔

比你講講下又好似係喎衰鬼!---明仔

我地依家7個人,不如踢3-2-1戰術啦!我地盡量傳波,就算失波都唔緊要,輸左我地咪可以檢討下點改善囉!---文仔

好呀!我地就試下one-two,走位咁踢下!睇下效果點!---彰仔

好啦,我地依家練波啦!聽日就去街場搵人試下陣先!---明仔

究竟佢地會唔會得個講字,好快就放棄呢?!..........
待續..


大家有咩意見可以留言架!我會盡量改善!希望大家支持下!