英超精華 - 水晶宮 2-3 曼聯│ 超精彩超戲劇性!落後2球反勝3球!馬迪補時整個世界波絕殺對手!

球迷分享站 於 06/03/2018 發表 收藏文章
英超週一晚獨腳戲,第二十九輪賽事,由水晶宮主場迎戰曼聯,雙方合演一場超精彩賽事,最終曼聯在落後2球下反膀3:2。上半場7分鐘,山齊士近門一頂被軒尼斯擋出。戰至11分鐘,主隊水晶宮先開紀錄,翼鋒唐辛禁區外撞射得手,慢鏡顯示皮球省中連迪路夫改變方向,迪基亞欲救無從。下半場2分鐘,水晶宮一次快開罰球攻勢,左閘雲安賀治後上壓入禁區勁射破網,為主隊拉開紀錄至2:0。 不過8分鐘後,史摩寧頭槌建功,為曼聯追成較接近紀錄。74分鐘,馬迪一記埋門被對方球員在白界線前解圍。不過,2分鐘後,曼聯終於追成平手,山齊士中路射門省中人中楣後,由盧卡古執雞。及後,賓迪基一下近門迎頂,被迪基亞飛身撲走。補時1分鐘,防守中場馬迪禁區外拉射,皮球直飛死角,絕殺成功,戲劇性地反勝3:2。

全場精華:

全場精華(加長版):

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • 火爆火
    火爆火 於 06/03/2018 評論 NO. 1

    利申,曼迷,真心講 ,好運,全是個人做成入球,完全冇團體合作,冇戰術,有編文章寫下,曼聯戰術是,一,等。二,望。三,回傳。一點乜沒錯,再不改善,莫說第二,前四不保,但都是話要買人,冇乜用??

  • 4466hk
    4466hk 於 06/03/2018 評論 NO. 2

    曼聯可以贏到這場,除了運,還要多謝學神,60 分鐘多的就開始守?佢既「防守」,就係一味人多係禁區,完全無層次,雖然曼聯表現唔好,但以曼聯既個人質素,如果你任由曼聯球員係咁攻,幾時守到完場?仲有,水晶宮個 9 號仔,根本就打少個,如果係要守,就唔該佢換個爛打既中場入來代替個 9 號啦!但無論如何,曼聯球員肯堅持到底,雖然有運,但都值得一讚既!

快捷鍵:←
快捷鍵:→