樂視體育香港開台 球迷睇波何去何從

球迷分享站 於 02/08/2016 發表 收藏文章
樂視體育香港(LeSports HK)琴日正式宣佈開台,我哋球迷最關心嘅就梗係佢會播啲咩,同埋我哋有咩睇啦。

芸芸眾多足球賽事入面,英超聯就應該係我哋球迷最關注嘅聯賽之一。而LeSports HK其實已經投左今年八月起三季嘅英超賽事,同埋英國足總盃呢兩項頂級賽事嘅香港區播放權。所以嚟緊三年想睇英超,申請LeSports HK可能會係其中一個方法。


至於價錢方面其實都豐儉由人,冇話一定要綁住你好耐,短至一年都有。當然,好多人都會因為想要埋部電視而申請兩年嘅收費組合啦。計番條數仲要係一樣,但多左部電視,諗落好似係有賺。但當然啦,一年嘅收費組合其實都有贈品嘅,好似手機、尿袋等等。到時出左街,有部手機,或者用其他流動裝置,都可以隨時睇。

其他足球賽事仲包括中超聯賽、2018俄羅斯世界盃外圍賽、南美自由盃、巴西盃、中國女子超級聯賽、中國男女子足球隊賽事等等。依家LeSports HK已經擁有超過2500場正版體育賽事內容,雖然未有西甲、德甲等等其他歐洲四大聯賽,但總括嚟講,選擇尚算多,不過能唔能夠滿足得哂大家口味呢?就睇呢度多唔多你啱睇嘅波喇!


睇波就各人口味唔同,但我哋香港就一定撐自己人嘅。老老實實,LeSports HK算幾照顧香港人口味。佢哋緊會製作屬於香港人嘅體育平台,當中包括24小時體育新聞頻道等等,當中內容包括新晉香港運動員動向嘅報導。相信咁樣不單止可以增加佢地嘅曝光率,亦都可以令香港運動員同體壇有更好嘅發展。

LeSports HK 署理首席執行官賴汝正都提到,佢哋已經同中國香港體育協會暨奧林匹克委員會合作,支持會方及旗下各香港體育總會嘅推廣,共同推動本地體育產業嘅發展。咁睇嚟,將來好多本地體壇消息都會係LeSports HK度睇到啦。

留言


請按此登錄後留言。未成為會員? 立即註冊
  • imryan 於 04/08/2016 評論 NO. 1

    賣廣告都唔好賣到咁出面丫。歐國盃都已經瀨晒屎啦。仲要live都唔係即時,仲要遲過我上網睇成分鐘

快捷鍵:←
快捷鍵:→