比真歷已成condom

比真歷加盟巴塞隆拿一年後，因為唔係領隊朗奴高文嘅計劃當中，加上高昂嘅薪資，只能外送到土超嘅比錫達斯🥱
比真歷係2020/2021賽季由祖雲達斯加盟巴塞隆拿，轉會費為6500萬歐元🥲引入一個31歲嘅老將，同一時間以8000萬歐元出售25歲嘅艾法美路比祖雲達斯，兩位中場互換東家，巴塞層面上並無太大得益，中場活力降低，並且呢單交易係前巴塞主席巴杜姆時期進行，令人感到當中涉及利益關係🤧
比真歷嘅年薪高達800萬歐元，加上唔係領隊朗奴高文嘅計劃當中，所以巴塞一直努力嘗試清走佢👹然而，比真歷有考慮過回歸祖雲達斯或者加盟費倫天拿，但對於願意承擔年薪嘅部份達唔到巴塞嘅要求，最後比錫達斯願意承擔比真歷250萬到300萬歐元嘅人工，另外仲支付一筆理想嘅租借費，令巴塞接受租借💸
雖然比真歷唔能夠重返祖雲達斯，但能夠有班落腳，兼且係有歐聯踢嘅比錫達斯，希望佢可以同巴舒阿姨一齊稱霸土超🇹🇷🦃如果睇到呢度，不妨follow我地嘅instagram睇到更多唔同嘅足球資訊！