巴黎聖日耳門中場拉比奧特近季已成為各大豪門獵物，根據最新報道，佢已經拒絕與PSG簽下新合約，如無意外將可於季後約滿離隊，或於一月轉投其他球會。
巴黎聖日耳門體育總監 Antero Henrique 向傳媒證實，球會自主帥杜曹季初上任以嚟，多次嘗試與拉比奧特續約，直至最近獲告知球員不會簽下新約，而且球會將會雪藏佢。 Antero Henrique 表示：「現階段，談判唔會繼續落去。球會喺我同球員嘅會面之後作出呢個決定。球員通知我，表示佢唔會簽下新合約，並希望喺季後自由身離隊。對球員嚟講，咁樣嘅結果係顯然易見，佢將會被無限期放於後備席上。」
Antero Henrique 更認為拉比奧特及其經理人曾經誤導球會，令球會對現時情況感到措手不及：「幾個月之前，我哋同球員嘅代表有過幾次正面嘅交流，佢哋表達出球員有意續約嘅訊息。我哋亦接受咗佢有關球場上嘅條件。我哋談論呢啲嘢係為咗確保佢會留低喺呢度好多年。不幸地，談判喺不久之後就停止咗。似乎球員同佢嘅代表喺過去幾個月完全將我哋誤導咗。我必須要補充一點，現時嘅情況對於球會同球迷係相當唔尊重，特別係佢由青年軍開始效力球會，一直得到球會嘅全力支持。」
23歲嘅拉比奧特由15歲開始加入PSG，佢喺2018世界盃前落選法國國家隊決選名單，不少球迷感到可惜，球員本人亦相當不滿。今季拉比奧特為PSG上陣14場聯賽貢獻2入球1助攻，傳聞中利物浦、阿仙奴、祖雲達斯等球隊都有意爭奪呢位法國中場。PSG主帥杜曹最近亦回應稱，唔可以保證拉比奧特會留效至季尾，但佢認為自己好需要一位6號位球員。
Source: ESPN、Goal、BR、Marca
巴黎聖日耳門體育總監 Antero Henrique 向傳媒證實，球會自主帥杜曹季初上任以嚟，多次嘗試與拉比奧特續約，直至最近獲告知球員不會簽下新約，而且球會將會雪藏佢。 Antero Henrique 表示：「現階段，談判唔會繼續落去。球會喺我同球員嘅會面之後作出呢個決定。球員通知我，表示佢唔會簽下新合約，並希望喺季後自由身離隊。對球員嚟講，咁樣嘅結果係顯然易見，佢將會被無限期放於後備席上。」
Antero Henrique 更認為拉比奧特及其經理人曾經誤導球會，令球會對現時情況感到措手不及：「幾個月之前，我哋同球員嘅代表有過幾次正面嘅交流，佢哋表達出球員有意續約嘅訊息。我哋亦接受咗佢有關球場上嘅條件。我哋談論呢啲嘢係為咗確保佢會留低喺呢度好多年。不幸地，談判喺不久之後就停止咗。似乎球員同佢嘅代表喺過去幾個月完全將我哋誤導咗。我必須要補充一點，現時嘅情況對於球會同球迷係相當唔尊重，特別係佢由青年軍開始效力球會，一直得到球會嘅全力支持。」
23歲嘅拉比奧特由15歲開始加入PSG，佢喺2018世界盃前落選法國國家隊決選名單，不少球迷感到可惜，球員本人亦相當不滿。今季拉比奧特為PSG上陣14場聯賽貢獻2入球1助攻，傳聞中利物浦、阿仙奴、祖雲達斯等球隊都有意爭奪呢位法國中場。PSG主帥杜曹最近亦回應稱，唔可以保證拉比奧特會留效至季尾，但佢認為自己好需要一位6號位球員。
Source: ESPN、Goal、BR、Marca
請按此登錄後留言。未成為會員? 立即註冊