2015年，皇家馬德里以560萬歐元由史卓加斯特簽下挪威「神童」奧迪加特 (Martin Ødegaard) 。當然，呢位當時只係16歲嘅小將，要喺「銀河艦隊」得到一隊上陣機會係難如登天，所以佢大部分時間只係喺B隊上陣及喺一隊跟操。成為「失蹤人口」之後，有球迷馬上就為佢冠以「水貨」之名，其實係太過苛刻，畢竟佢而家都只係19歲。
今季，奧迪加特喺季前由荷甲海倫芬結束外借歸隊，參加皇馬季前集訓，隨後再次被外借到荷甲，目的地係維迪斯。
喺維迪斯，奧迪加特暫時為球隊上陣九場，曾被定位為進攻中場嘅佢，喺荷甲主要出任逆足右翼，暫時已射入一球及交出一個助攻，其中包括喺最近對烏德勒支嘅比賽中，射入以下一球超靚關鍵罰球，協助球隊以2:1擊敗對手。
事實上，奧迪加特由2017年1月被外借到荷甲開始，已經得到54場一隊比賽經驗，貢獻4個入球、6助攻，呢啲機會係佢喺皇馬冇可能得到，所以外借對佢嚟講絕對係好事。現時維迪斯排荷甲聯賽榜第7位，同第3位嘅飛燕諾 (少賽一場) 差3分，唔算太差，奧迪加特今年正處於年輕球員生涯早期關鍵嘅19歲，可以喺賽力屬「歐洲二線」嘅荷甲中上游球隊歷練，算係重回正軌嘅一步。呢個年紀嘅球員需要嘅唔係大球會、高薪、高身價，而係喺有助提升實力嘅環境中，盡可能多嘅上陣機會。
奧迪加特夏天跟隨皇馬集訓，曾經喺友賽對曼聯一仗嘅下半場獲派上陣，但只踢咗31分鐘就被調離場，明顯地佢喺未準備好踢皇馬，不過由皇馬嘅角度睇，亦未必期望佢可以長遠效力一隊，甚至只係當佢係一筆待價而估嘅投資，與其話佢係「水貨」，不如話由一開始簽入一位16歲年輕球員就係一場輸多贏少嘅賭博，芸芸年輕天才球員，有幾多個可以成為天王巨星？
奧迪加特上季「球王片」：
https://youtu.be/PevEtBno5b0
Source: Sportbible、Transfermarkt
今季，奧迪加特喺季前由荷甲海倫芬結束外借歸隊，參加皇馬季前集訓，隨後再次被外借到荷甲，目的地係維迪斯。
喺維迪斯，奧迪加特暫時為球隊上陣九場，曾被定位為進攻中場嘅佢，喺荷甲主要出任逆足右翼，暫時已射入一球及交出一個助攻，其中包括喺最近對烏德勒支嘅比賽中，射入以下一球超靚關鍵罰球，協助球隊以2:1擊敗對手。
事實上，奧迪加特由2017年1月被外借到荷甲開始，已經得到54場一隊比賽經驗，貢獻4個入球、6助攻，呢啲機會係佢喺皇馬冇可能得到，所以外借對佢嚟講絕對係好事。現時維迪斯排荷甲聯賽榜第7位，同第3位嘅飛燕諾 (少賽一場) 差3分，唔算太差，奧迪加特今年正處於年輕球員生涯早期關鍵嘅19歲，可以喺賽力屬「歐洲二線」嘅荷甲中上游球隊歷練，算係重回正軌嘅一步。呢個年紀嘅球員需要嘅唔係大球會、高薪、高身價，而係喺有助提升實力嘅環境中，盡可能多嘅上陣機會。
奧迪加特夏天跟隨皇馬集訓，曾經喺友賽對曼聯一仗嘅下半場獲派上陣，但只踢咗31分鐘就被調離場，明顯地佢喺未準備好踢皇馬，不過由皇馬嘅角度睇，亦未必期望佢可以長遠效力一隊，甚至只係當佢係一筆待價而估嘅投資，與其話佢係「水貨」，不如話由一開始簽入一位16歲年輕球員就係一場輸多贏少嘅賭博，芸芸年輕天才球員，有幾多個可以成為天王巨星？
奧迪加特上季「球王片」：
https://youtu.be/PevEtBno5b0
Source: Sportbible、Transfermarkt
請按此登錄後留言。未成為會員? 立即註冊