今年夏天最轟動嘅轉會消息， 一定要數C朗拿度離開皇家馬德里，以1億歐元加盟祖雲達斯。喺成事之前，好多球迷都冇想像過，C朗會踢意甲，所以當祖雲達斯簽下C朗，自然轟動全球。故事中嘅配角希古恩，雖然都稱得上係球星級前鋒，但都難免再一次成為犧牲品，黯然離場，由意甲班霸轉投一支只可以踢歐霸嘅昔日勁旅。
點解話「再一次」成為犧牲品？因為小弟諗起希古恩當年喺皇馬效力6季共射入122球、交出56個助攻，仍然要為賓施馬讓路，賓施馬加盟後希古恩上陣時間已經減少，後來更被賣到拿玻里，而賓施馬就多年喺排山倒海嘅批評聲中，至今仍然屹立不倒。嚟到今季，起初以為希古恩有機會同C朗再續前緣？希古恩卻成為呢筆交易嘅犧牲品。
希古恩喺2016年加盟祖雲達斯以嚟，各項賽事上陣105場，錄得55入球、12助攻，為班馬軍團贏得兩屆意甲及意大利盃共4項錦標，但呢位一度係祖雲達斯史上最貴收購嘅阿根廷前鋒，最終都係被踢走。希古恩近日接受訪問時坦言：「離開唔係我嘅決定。我為祖記付出所有，幫球隊贏到好多錦標。之後當C朗嚟到，球隊想大幅提升實力，同我講話我唔可以留低，會諗方法送我走。其中最好嘅解決方法就係AC米蘭。」
不過，希古恩亦表示唔會記恨：「我仍然喜歡祖記，因為佢哋其實對我唔錯，職球員、球迷都好好。不過我冇叫過要走，基本上大家都知，喺實際結果上我係俾球會踢走。喺米蘭，我馬上感受到大家嘅愛，呢個亦係佢哋成功說服我加盟嘅原因。」
事實上，希古恩仍然同祖雲達斯有合約在身，只係以外借方式加盟AC米蘭，但大家都知道，不論今季結束後AC米蘭係唔係買斷希古恩，佢應該都唔會再返祖記。
Source: ESPN、Independent
點解話「再一次」成為犧牲品？因為小弟諗起希古恩當年喺皇馬效力6季共射入122球、交出56個助攻，仍然要為賓施馬讓路，賓施馬加盟後希古恩上陣時間已經減少，後來更被賣到拿玻里，而賓施馬就多年喺排山倒海嘅批評聲中，至今仍然屹立不倒。嚟到今季，起初以為希古恩有機會同C朗再續前緣？希古恩卻成為呢筆交易嘅犧牲品。
希古恩喺2016年加盟祖雲達斯以嚟，各項賽事上陣105場，錄得55入球、12助攻，為班馬軍團贏得兩屆意甲及意大利盃共4項錦標，但呢位一度係祖雲達斯史上最貴收購嘅阿根廷前鋒，最終都係被踢走。希古恩近日接受訪問時坦言：「離開唔係我嘅決定。我為祖記付出所有，幫球隊贏到好多錦標。之後當C朗嚟到，球隊想大幅提升實力，同我講話我唔可以留低，會諗方法送我走。其中最好嘅解決方法就係AC米蘭。」
不過，希古恩亦表示唔會記恨：「我仍然喜歡祖記，因為佢哋其實對我唔錯，職球員、球迷都好好。不過我冇叫過要走，基本上大家都知，喺實際結果上我係俾球會踢走。喺米蘭，我馬上感受到大家嘅愛，呢個亦係佢哋成功說服我加盟嘅原因。」
事實上，希古恩仍然同祖雲達斯有合約在身，只係以外借方式加盟AC米蘭，但大家都知道，不論今季結束後AC米蘭係唔係買斷希古恩，佢應該都唔會再返祖記。
Source: ESPN、Independent
請按此登錄後留言。未成為會員? 立即註冊