曼聯前鋒盧卡古喺球會表現備受質疑，但事實上曼聯整體嘅表現都不甚理想；去到國家隊，盧卡古經常都能夠取得入球，又係咪足以證明，佢喺球會表現係受到整體發揮同戰術部署大大限制，踢唔出應有實力呢？對於有冇意願轉換新環境，去意甲證明自己，盧卡古承認的確有興趣。
最近一場歐洲國家聯賽，盧卡古為比利時上陣對瑞士，個人梅開二度射入球隊嘅全部兩個入球，更喺比賽尾段為球隊奠定勝局贏2-1，足以顯示自己喺國家隊鋒線上舉足輕重。不過喺球會方面，跟隨曼聯低迷嘅近況，盧卡古雖然暫時於聯賽8場射入4球，表現唔失禮，但都遭遇各項賽事近六場零入球嘅低迷，難免間中成為球迷批評嘅對象。
紅魔鬼將於10月23日歐聯分組賽對意甲班霸祖雲達斯，盧卡古接受《米蘭體育報》 (La Gazzetta dello Sport) 訪問，大讚祖雲達斯之餘，亦承認有興趣去意甲發展。記者問佢會唔會去意甲踢波時，佢回應 "Why not? I hope so."
盧卡古又話：「祖雲達斯有好遠大嘅計劃，而且佢一直向目標進發，每年都會變得更強。毫無疑問，佢哋係現時歐洲最強嘅兩三支球隊之一，有好強嘅教練同球員。C朗當然係最勁，但其他人都唔可以忽視。戴巴拿就已經係一個令人印象好深刻嘅球員，而且仲進步緊，我亦都好鍾意杜格拉斯哥斯達，佢係一個超強嘅新援 (哥斯達上季已以租借形式效力祖雲達斯，但今季先正式轉會) ，而且佢係一個可以改變戰局嘅人。」
喺歐聯分組賽，曼聯同祖雲達斯、華倫西亞及年青人同處H組，盧卡古表示：「呢一組係好難踢，不過曼聯當然係以首名出線為目標。」
(盧卡古弟弟佐敦盧卡古正效力意甲拉素)
Source: Goal、Daily Mail
最近一場歐洲國家聯賽，盧卡古為比利時上陣對瑞士，個人梅開二度射入球隊嘅全部兩個入球，更喺比賽尾段為球隊奠定勝局贏2-1，足以顯示自己喺國家隊鋒線上舉足輕重。不過喺球會方面，跟隨曼聯低迷嘅近況，盧卡古雖然暫時於聯賽8場射入4球，表現唔失禮，但都遭遇各項賽事近六場零入球嘅低迷，難免間中成為球迷批評嘅對象。
紅魔鬼將於10月23日歐聯分組賽對意甲班霸祖雲達斯，盧卡古接受《米蘭體育報》 (La Gazzetta dello Sport) 訪問，大讚祖雲達斯之餘，亦承認有興趣去意甲發展。記者問佢會唔會去意甲踢波時，佢回應 "Why not? I hope so."
盧卡古又話：「祖雲達斯有好遠大嘅計劃，而且佢一直向目標進發，每年都會變得更強。毫無疑問，佢哋係現時歐洲最強嘅兩三支球隊之一，有好強嘅教練同球員。C朗當然係最勁，但其他人都唔可以忽視。戴巴拿就已經係一個令人印象好深刻嘅球員，而且仲進步緊，我亦都好鍾意杜格拉斯哥斯達，佢係一個超強嘅新援 (哥斯達上季已以租借形式效力祖雲達斯，但今季先正式轉會) ，而且佢係一個可以改變戰局嘅人。」
喺歐聯分組賽，曼聯同祖雲達斯、華倫西亞及年青人同處H組，盧卡古表示：「呢一組係好難踢，不過曼聯當然係以首名出線為目標。」
(盧卡古弟弟佐敦盧卡古正效力意甲拉素)
Source: Goal、Daily Mail
請按此登錄後留言。未成為會員? 立即註冊