球壇不時都出現「彈出彈入」嘅情況，就好似早前卡斯辛奴加盟維羅納之後又話退休又話唔退，依家就輪到曼城中場耶耶托尼。闊別國家隊大約一年半嘅佢，最近宣佈決定重返科特迪瓦國家隊。
34歲嘅耶耶托尼隨住年紀漸大，喺曼城已經失去位置，今季只係喺英超上陣3場合共61分鐘，成為咗曼城嘅本土盃賽「主力」。另外，佢已經喺2016年9月拎到第100頂國家隊喼帽之後，宣佈退出國家隊。加埋喺曼城機會唔多，所以佢依家已經好少比賽踢，今季各項賽事只上陣8場。
喺呢個時候，耶耶托尼嘅經理人 Dmitryi Seluk 就喺 Twitter 上面代佢宣佈：「耶耶托尼已經決定重返科特迪瓦國家隊。佢希望可以再為科特迪瓦贏取錦標。」
由於科特迪瓦無法擠身2018世界盃決賽周，所以佢哋下一項大賽將會係2019非洲國家盃，耶耶托尼都有可能喺一啲國際友誼賽中登場，唔知會唔會幫到佢搵新東家呢？佢隨後喺Twitter親證願意重返國家隊嘅消息。
另外，根據《Sky Sports》及《ESPN》報導， Dmitryi Seluk 亦表示2018年夏天同曼城約滿嘅耶耶托尼，並唔會喺1月轉會離開曼城，因為佢希望幫助曼城贏得聯賽冠軍，同埋幫助隊中年青球員成長。
Source: ESPN、Sky Sports
34歲嘅耶耶托尼隨住年紀漸大，喺曼城已經失去位置，今季只係喺英超上陣3場合共61分鐘，成為咗曼城嘅本土盃賽「主力」。另外，佢已經喺2016年9月拎到第100頂國家隊喼帽之後，宣佈退出國家隊。加埋喺曼城機會唔多，所以佢依家已經好少比賽踢，今季各項賽事只上陣8場。
喺呢個時候，耶耶托尼嘅經理人 Dmitryi Seluk 就喺 Twitter 上面代佢宣佈：「耶耶托尼已經決定重返科特迪瓦國家隊。佢希望可以再為科特迪瓦贏取錦標。」
由於科特迪瓦無法擠身2018世界盃決賽周，所以佢哋下一項大賽將會係2019非洲國家盃，耶耶托尼都有可能喺一啲國際友誼賽中登場，唔知會唔會幫到佢搵新東家呢？佢隨後喺Twitter親證願意重返國家隊嘅消息。
另外，根據《Sky Sports》及《ESPN》報導， Dmitryi Seluk 亦表示2018年夏天同曼城約滿嘅耶耶托尼，並唔會喺1月轉會離開曼城，因為佢希望幫助曼城贏得聯賽冠軍，同埋幫助隊中年青球員成長。
Source: ESPN、Sky Sports
請按此登錄後留言。未成為會員? 立即註冊