曼城中場費蘭甸奴已年滿34歲高齡，佢所踢嘅墮後中場角色對於哥迪奧拿戰術體系至關重要，哥帥希望呢個位置嘅球員不但有控制節奏、轉守為攻能力，而且亦需要對防線提供足夠保護，達到哥帥呢啲要求嘅球員，喺球壇可謂稀有物種，大概就只有哥帥執教巴塞時嘅布斯基斯做到，其次費蘭甸奴亦係哥帥喺曼城重用之人。
面對費蘭甸奴老化問題，哥帥開始著手物色替代人選，季內曾經嘗試以根度簡踢中場最後一人，但呢位德國中場始終並非擅長防守，結果仍然要喺轉會市場上搵。
根據英國傳媒《Sky Sports》報導，曼城已經尋覓費蘭甸奴接班人多時，現正逐步收窄人選至三人，相信今個夏天就會喺以下三人中收購一人。
洛迪 (Rodri, Rodrigo Hernández Cascante)
22歲嘅馬體會中場洛迪傳送能力出色，同時保護防線能力亦不俗，令佢喺球風強悍嘅馬體會得以站穩陣腳，今季各項賽事上陣47場，收獲3入球1助攻。而且，洛迪身高達到1.91米，對於防守敵方長傳十分有幫助，絕對係大大加分之處。因此，《Sky Sports》認為洛迪屬曼城頭號目標，據報佢現時合約中帶有價值6000萬英鎊嘅解約金條款。
尼當比利 (Tanguy Ndombélé)
效力里昂嘅尼當比利同樣係22歲，身高1.81米，佢出道早期曾經擔任右中場，令佢擁有出色盤球突破能力，佢亦特別擅長送出具侵略性嘅傳球，今季為里昂各項賽事上陣49場，錄得3入球8助攻，但防守能力就略為不足。今季歐聯，里昂曾經同曼城碰頭，相信尼當比利嘅能力已經被哥迪奧拿睇得清清楚楚。有傳媒認為尼當比利球風與前熱刺中場穆沙丹比利相似。《隊波》指，祖雲達斯已正式提出報價。
馬高斯路蘭迪 (Marcos Llorente)
相較於上述兩名中場，馬高斯路蘭迪嘅一隊經驗較為失色，原因係佢效力於西甲豪門皇家馬德里。呢位皇馬青訓出品現年24歲，身高1.84米，2016-17球季外借到艾拉維斯時係佢唯一穩定得到西甲正選比賽機會嘅時候，近兩季返到皇馬都得唔到太多機會，今季為皇馬各項賽事上陣16場，取得2個入球。據報，皇馬拒絕將馬高斯路蘭迪出售到馬體會，並將佢標價5000萬歐元。
Source: Sky Sports、WhoScored
面對費蘭甸奴老化問題，哥帥開始著手物色替代人選，季內曾經嘗試以根度簡踢中場最後一人，但呢位德國中場始終並非擅長防守，結果仍然要喺轉會市場上搵。
根據英國傳媒《Sky Sports》報導，曼城已經尋覓費蘭甸奴接班人多時，現正逐步收窄人選至三人，相信今個夏天就會喺以下三人中收購一人。
洛迪 (Rodri, Rodrigo Hernández Cascante)
22歲嘅馬體會中場洛迪傳送能力出色，同時保護防線能力亦不俗，令佢喺球風強悍嘅馬體會得以站穩陣腳，今季各項賽事上陣47場，收獲3入球1助攻。而且，洛迪身高達到1.91米，對於防守敵方長傳十分有幫助，絕對係大大加分之處。因此，《Sky Sports》認為洛迪屬曼城頭號目標，據報佢現時合約中帶有價值6000萬英鎊嘅解約金條款。
尼當比利 (Tanguy Ndombélé)
效力里昂嘅尼當比利同樣係22歲，身高1.81米，佢出道早期曾經擔任右中場，令佢擁有出色盤球突破能力，佢亦特別擅長送出具侵略性嘅傳球，今季為里昂各項賽事上陣49場，錄得3入球8助攻，但防守能力就略為不足。今季歐聯，里昂曾經同曼城碰頭，相信尼當比利嘅能力已經被哥迪奧拿睇得清清楚楚。有傳媒認為尼當比利球風與前熱刺中場穆沙丹比利相似。《隊波》指，祖雲達斯已正式提出報價。
馬高斯路蘭迪 (Marcos Llorente)
相較於上述兩名中場，馬高斯路蘭迪嘅一隊經驗較為失色，原因係佢效力於西甲豪門皇家馬德里。呢位皇馬青訓出品現年24歲，身高1.84米，2016-17球季外借到艾拉維斯時係佢唯一穩定得到西甲正選比賽機會嘅時候，近兩季返到皇馬都得唔到太多機會，今季為皇馬各項賽事上陣16場，取得2個入球。據報，皇馬拒絕將馬高斯路蘭迪出售到馬體會，並將佢標價5000萬歐元。
Source: Sky Sports、WhoScored
請按此登錄後留言。未成為會員? 立即註冊