Chip射彈楣底兼戴帽,美斯令敵對球迷起立致意:「第一次得到呢個對待,感謝對手球迷」(其實唔止…)

睇足365 於 18/03/2019 發表 收藏文章
獲得對手球迷由衷尊敬,對球員嚟講係好大嘅光榮。有別於以往嘅百花齊放,呢個世代入面,C朗拿度同美斯兩人同時鶴立雞群,成為球壇爭論、比較嘅對象,球迷兩極分化,美斯要好似巴塞前輩朗拿甸奴咁,喺皇家馬德里主場獲得死敵球迷起立致敬,幾近不可能發生。不過,美斯日前作客貝迪斯時都成功用神級表現征服主場球迷。


周日西甲比賽,巴塞隆拿作客貝迪斯,巴塞憑美斯大演帽子戲法及蘇亞雷斯入波,以4-1擊敗主隊。今場比賽最特別嘅係,美斯喺85分鐘,接應拉傑迪傳送,喺禁區頂偏左位置第一時間Chip射,笠過門將兼彈楣底入網,令人驚嘆,呢球更加係佢本場個人第三球。


目睹美斯「神級」表現嘅巴塞球迷固然如常做出膜拜手勢,估唔到就連貝迪斯球迷都忍唔住起身為美斯拍掌。不但有貝迪斯球迷同樣做出膜拜手勢,佢哋更高唱美斯嘅名字。


美斯賽後表示,自己印象中係第一次獲得對手球迷嘅起立致敬,感謝貝迪斯球迷對佢嘅欣賞。貝迪斯教練施迪安就表示,為己方球迷嘅風度感到自豪。


對貝迪斯精華

事實上,美斯並非第一次獲得對手球迷起立致敬。喺2008-09西班牙國王盃16強,巴塞作客馬德里體育會,美斯同樣大演帽子戲法,以3-1擊敗對手,同樣得到馬體會球迷嘅敬意。喺網上亦可以搵到一段影片剪輯咗美斯五次獲得對手球迷起立致敬嘅片段,即係除咗上述兩次之外,最少仲有另外三次。

5 Times Lionel Messi Was Applauded by Rival Fans

Source: Daily Mail

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→