葡萄牙於星期日晚歐洲國家聯賽決賽中，憑古迪斯 (Gonçalo Guedes) 入球一箭定江山，以1-0擊敗荷蘭，成為首屆歐國聯冠軍。葡萄牙隊長C朗拿度 (Cristiano Ronaldo) 於賽後乘機向荷蘭新星迪列特 (Matthijs de Ligt) 挖角。
阿積士中堅迪列特年僅19歲已經係呢支著名球隊嘅隊長，隨著今季阿積士於歐聯有驚喜演出，令本來已經成名嘅佢，喺轉會市場更受注目，佢喺今個夏天極大機會離隊他投，傳聞巴塞隆拿同佢已經越行越近，佢有可能前往巴塞與剛離隊嘅隊友法蘭基迪莊重逢。不過，迪列特嘅目的地仍有不少變數，早前就有不少消息指出，佢經理人希望佢加盟英超球隊，以獲取巨額經理人佣金。另外，亦有其他聯賽豪門球會對佢有興趣。
歐洲國家聯賽決賽後，鏡頭拍攝到葡萄牙隊長C朗拿度上前與迪列特交談，迪列特其後承認，C朗當時同佢講希望佢可以加盟祖雲達斯。
迪列特表示：「一開始嘅時候，我唔明白咩事。我俾佢嚇親，所以笑咗一下。不過我咩都冇講。
當時我將所有心思都放咗喺場比賽入面。我為輸波感到失望，呢個係我當時唯一諗緊嘅嘢。」
迪列特最後並冇回應對於加盟祖雲達斯有咩睇法。
Source: Sky Sports
阿積士中堅迪列特年僅19歲已經係呢支著名球隊嘅隊長，隨著今季阿積士於歐聯有驚喜演出，令本來已經成名嘅佢，喺轉會市場更受注目，佢喺今個夏天極大機會離隊他投，傳聞巴塞隆拿同佢已經越行越近，佢有可能前往巴塞與剛離隊嘅隊友法蘭基迪莊重逢。不過，迪列特嘅目的地仍有不少變數，早前就有不少消息指出，佢經理人希望佢加盟英超球隊，以獲取巨額經理人佣金。另外，亦有其他聯賽豪門球會對佢有興趣。
歐洲國家聯賽決賽後，鏡頭拍攝到葡萄牙隊長C朗拿度上前與迪列特交談，迪列特其後承認，C朗當時同佢講希望佢可以加盟祖雲達斯。
迪列特表示：「一開始嘅時候，我唔明白咩事。我俾佢嚇親，所以笑咗一下。不過我咩都冇講。
當時我將所有心思都放咗喺場比賽入面。我為輸波感到失望，呢個係我當時唯一諗緊嘅嘢。」
迪列特最後並冇回應對於加盟祖雲達斯有咩睇法。
Source: Sky Sports
請按此登錄後留言。未成為會員? 立即註冊