C朗去祖記挑戰自己?伊巴謙莫域:「Bullshit!做乜唔去意乙?」

睇足365 於 15/01/2019 發表 收藏文章
瑞典前鋒伊巴謙莫域向來語不驚人誓不休,亦從來唔怕得罪人,起碼佢覺得自己寸得起,亦有球迷認同。佢最近就回應C朗拿度早前一番言論,唔知得罪「朗迷」會有咩後果呢?

C朗拿度喺今季開始之前,以33歲之齡,仍然可以令意甲班霸祖雲達斯拎出1億歐元將佢收歸旗下,顯出佢喺球壇嘅地位超然,相信任何立場嘅球迷都會至少認同佢係近年球壇最強球員之一,甚至「沒有之一」。自信心爆棚嘅C朗自己當然都係咁認為,佢話過自己同美斯係近年球壇僅有可以喺過去10年間保持巔峰表現嘅球員。

2018年12月初,C朗接受訪問時表示,自己嚟意甲祖雲達斯係為咗挑戰自己,又希望美斯都考慮嚟意甲踢波:「我會希望佢 (美斯) 有一日嚟意大利踢波,希望佢好似我咁接受呢個挑戰,不過如果佢喺巴塞仲好開心,我都會尊重。」

C朗又話:「我離開咗我嘅舒適圈,嚟到都靈接受挑戰,所有嘢都進行得好理想,我喺度證明咗自己仍然係一個難以匹敵嘅球員。」


對於C朗嘅說話,伊巴謙莫域不以為然:「佢話去一隊本身都贏到意甲嘅球隊係一個挑戰,幾年前點解佢唔去意乙,帶一隊波拎冠軍再升上意甲呢?Bullshit!去祖記踢波跟本冇挑戰性。」


祖雲達斯現時於意甲仍然不敗,19戰取得17勝2和,以9分優勢領先次席嘅拿玻里,好大機會可以取得八連冠。不過,C朗嘅挑戰仲有歐聯戰線,祖雲達斯上一次取得歐聯冠軍已經係1995-96球季,近5季2次殺入決賽無功而還,穩固聯賽優勢之下,C朗首要目標必定係帶領班馬軍團取得歐聯冠軍。祖雲達斯於今屆歐聯16將會面對馬德里體育會。



Source: Bleacher Report

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • tinchi3721
    tinchi3721 於 16/01/2019 評論 NO. 1

    伊巴又好似講得幾啱 不過C朗 係祖記拎歐聯都叫挑戰既 今年歐聯都好難有隊可以同祖記掙

快捷鍵:←
快捷鍵:→