唔少名宿都會出嚟踢元老賽衛生波過下腳癮，不過通過都係對返差唔多年紀嘅球員，好似利比利亞總統韋亞咁樣，一踢就踢國際賽，仲要對返尼日利亞一班當打國腳，就真係少見。
當然，呢一場利比利亞對尼日利亞並非一般國際友誼賽，而係利比利亞為咗安排國家隊14號球衣退役而安排嘅比賽，14號球衣嘅主人正係總統韋亞。51歲嘅佐治韋亞 (George Weah) 曾經效力摩納哥、巴黎聖日耳門及AC米蘭，亦短暫效力過車路士及曼城。佢就大成就莫過於喺1995年勇奪世界足球先生 (FIFA World Player of the Year) 及金球獎 (Ballon d'Or)，係首個歐洲以外球員得到金球獎，至今仍然係兩項大獎嘅首位兼唯一非洲得主。
韋亞雖然已經喺祖國就任總統，仍不忘足球，自2003年退役後再一次披上國家隊戰衣，作為自己身上14號球衣嘅告別戰。雖然比賽並非正式國際賽，但對手尼日利亞陣容上「誠意」十足，陣容以二線兵、小將如阿仙奴Kelechi Nwakali等為主，連李斯特城嘅尼迪迪、伊恩拿祖、史篤城中場伊迪保等都有上陣，所謂拳怕少壯，韋亞力戰79分鐘已屬驚人之舉。最終，利比利亞以1-2告負。可惜網上片段唔多，搵到精華即刻同大家分享。
Source: BBC、TheSun
當然，呢一場利比利亞對尼日利亞並非一般國際友誼賽，而係利比利亞為咗安排國家隊14號球衣退役而安排嘅比賽，14號球衣嘅主人正係總統韋亞。51歲嘅佐治韋亞 (George Weah) 曾經效力摩納哥、巴黎聖日耳門及AC米蘭，亦短暫效力過車路士及曼城。佢就大成就莫過於喺1995年勇奪世界足球先生 (FIFA World Player of the Year) 及金球獎 (Ballon d'Or)，係首個歐洲以外球員得到金球獎，至今仍然係兩項大獎嘅首位兼唯一非洲得主。
韋亞雖然已經喺祖國就任總統，仍不忘足球，自2003年退役後再一次披上國家隊戰衣，作為自己身上14號球衣嘅告別戰。雖然比賽並非正式國際賽，但對手尼日利亞陣容上「誠意」十足，陣容以二線兵、小將如阿仙奴Kelechi Nwakali等為主，連李斯特城嘅尼迪迪、伊恩拿祖、史篤城中場伊迪保等都有上陣，所謂拳怕少壯，韋亞力戰79分鐘已屬驚人之舉。最終，利比利亞以1-2告負。可惜網上片段唔多，搵到精華即刻同大家分享。
Source: BBC、TheSun
請按此登錄後留言。未成為會員? 立即註冊