英格蘭中堅麥佳亞（Harry Maguire，又譯馬古尼）表現持續進步，今屆世界盃決賽周得到英格蘭主帥修夫基重用，令佢得到曼聯注意。
效力李斯特城嘅麥佳亞現年25歲，由於喺侯城表現出色，去季以1,700萬鎊轉會費加盟李斯特城，旋即贏得2017/18球季李斯特城最佳球員，更入選大國腳，今屆世界盃決賽周，乘英格蘭主打三中堅陣式，成為必然正選。根據《Sky Sports》報導，相信曼聯已經向李城提出收購麥佳亞，報價估計達到6,500萬鎊。
《Sky Sports》相信球員本人十分樂意轉投曼聯，不過李城今個夏天已經以6,000萬鎊放售翼鋒馬列斯，所以將麥佳亞列為非賣品，更唔會喺今個轉會窗放人，而且球員現時仍有四年合約在身。
《BBC》就指，根據李斯特城過去對馬列斯嘅處理手法，佢哋將會拒絕一切報價，並希望麥佳亞簽下新合約。自從李斯特城奪冠之後，球會多次接到唔同大球會對馬列斯嘅報價，但佢哋一一拒絕，甚至「獅子開大口」以天價「趕客」，經過幾個轉會窗後，最終導致馬列斯於今年初懷疑罷操抗議，今個轉會窗如願轉投曼城。
曼聯今夏暫時簽入三人，分別係巴西中場費特 (Fred)、葡萄牙年輕守將達洛特 (Diogo Dalot) 及門將李爾格蘭 (Lee Grant)，扣除收入 (2,335萬鎊) 後淨支出5,341萬鎊。李斯特城方面就簽入四人，其中包括30歲嘅前曼聯中堅伊雲斯。
轉會形勢總結：
根據可靠消息報導，曼聯已提出收購麥佳亞，但李斯特城將會盡一切努力阻止球員離隊。
Source: BBC、Sky Sports
效力李斯特城嘅麥佳亞現年25歲，由於喺侯城表現出色，去季以1,700萬鎊轉會費加盟李斯特城，旋即贏得2017/18球季李斯特城最佳球員，更入選大國腳，今屆世界盃決賽周，乘英格蘭主打三中堅陣式，成為必然正選。根據《Sky Sports》報導，相信曼聯已經向李城提出收購麥佳亞，報價估計達到6,500萬鎊。
《Sky Sports》相信球員本人十分樂意轉投曼聯，不過李城今個夏天已經以6,000萬鎊放售翼鋒馬列斯，所以將麥佳亞列為非賣品，更唔會喺今個轉會窗放人，而且球員現時仍有四年合約在身。
《BBC》就指，根據李斯特城過去對馬列斯嘅處理手法，佢哋將會拒絕一切報價，並希望麥佳亞簽下新合約。自從李斯特城奪冠之後，球會多次接到唔同大球會對馬列斯嘅報價，但佢哋一一拒絕，甚至「獅子開大口」以天價「趕客」，經過幾個轉會窗後，最終導致馬列斯於今年初懷疑罷操抗議，今個轉會窗如願轉投曼城。
曼聯今夏暫時簽入三人，分別係巴西中場費特 (Fred)、葡萄牙年輕守將達洛特 (Diogo Dalot) 及門將李爾格蘭 (Lee Grant)，扣除收入 (2,335萬鎊) 後淨支出5,341萬鎊。李斯特城方面就簽入四人，其中包括30歲嘅前曼聯中堅伊雲斯。
轉會形勢總結：
根據可靠消息報導，曼聯已提出收購麥佳亞，但李斯特城將會盡一切努力阻止球員離隊。
Source: BBC、Sky Sports
請按此登錄後留言。未成為會員? 立即註冊