老牌英格蘭射手迪科爾 (Jermain Defoe) 今季喺般尼茅夫上陣機會寥寥可數，畢竟佢已經年屆36歲，再留喺英超得到重用嘅機會實在唔大。根據《Sky Sports》報導，迪科爾即將以外借形式加盟蘇超傳統勁旅格拉斯哥流浪，或者可以發揮餘熱協助球隊爭冠。
《Sky Sports》報導，36歲嘅迪科爾近日已經同蘇格蘭球隊格拉斯哥流浪傾妥個人條件，準備開展為期18個月外借生涯，只要迪科爾順利通過體測，交易就可以成事，預料將會於今個周末之內落實。蘇格蘭暫時處於季中休戰期，迪科爾最快可以於1月19日蘇格蘭足總盃中候命，租借期至2020年夏天。
迪科爾職業生涯共累積163個英超入球，其中大部分於效力熱刺期間攻入。作為傳統英式踢法中「一高一快」中嘅「一快」，迪科爾身材矮細但搶點觸覺敏銳，雖然顛峰已過，但近年除咗受傷影響之外，仍然保持唔錯嘅效率，15-16及16-17球季仍可為新特蘭攻入合共30個英超入球，當時佢已經年屆33-34歲。直至上季因為足踝受傷休戰多達13場比賽，逐漸淡出，加上般尼茅夫鋒線有卡林威爾遜表現出色，迪科爾今季只於4輪聯賽中登場。
利物浦名宿謝拉特執教嘅格拉斯哥流浪，今季以優秀戰績直迫近年壟斷蘇超嘅些路迪，更於2018年最後一輪聯賽中上演嘅打吡戰中擊敗對手。多賽一場之下，流浪暫時與些路迪同得42分，有望阻止對方完成蘇超八連霸。流浪陣中已有22歲哥倫比亞前鋒摩尼路斯 (Alfredo Morelos) 表現勇銳，暫時已攻入12個聯賽入球，於射手榜上領先。蘇超於第34輪至38輪比賽會分開爭冠組及護級組各自進行小聯賽，相信作為領隊初哥嘅謝拉特到時將會壓力倍增，作為前英格蘭國家隊隊友，迪科爾嘅經驗或者會發揮奇效，協助謝拉特爭取蘇超冠軍。根據報導，般尼茅夫有權於2019年夏天或2020年一月收回迪科爾。
蘇超積分榜
Source: Sky Sports
《Sky Sports》報導，36歲嘅迪科爾近日已經同蘇格蘭球隊格拉斯哥流浪傾妥個人條件，準備開展為期18個月外借生涯，只要迪科爾順利通過體測，交易就可以成事，預料將會於今個周末之內落實。蘇格蘭暫時處於季中休戰期，迪科爾最快可以於1月19日蘇格蘭足總盃中候命，租借期至2020年夏天。
迪科爾職業生涯共累積163個英超入球，其中大部分於效力熱刺期間攻入。作為傳統英式踢法中「一高一快」中嘅「一快」，迪科爾身材矮細但搶點觸覺敏銳，雖然顛峰已過，但近年除咗受傷影響之外，仍然保持唔錯嘅效率，15-16及16-17球季仍可為新特蘭攻入合共30個英超入球，當時佢已經年屆33-34歲。直至上季因為足踝受傷休戰多達13場比賽，逐漸淡出，加上般尼茅夫鋒線有卡林威爾遜表現出色，迪科爾今季只於4輪聯賽中登場。
利物浦名宿謝拉特執教嘅格拉斯哥流浪，今季以優秀戰績直迫近年壟斷蘇超嘅些路迪，更於2018年最後一輪聯賽中上演嘅打吡戰中擊敗對手。多賽一場之下，流浪暫時與些路迪同得42分，有望阻止對方完成蘇超八連霸。流浪陣中已有22歲哥倫比亞前鋒摩尼路斯 (Alfredo Morelos) 表現勇銳，暫時已攻入12個聯賽入球，於射手榜上領先。蘇超於第34輪至38輪比賽會分開爭冠組及護級組各自進行小聯賽，相信作為領隊初哥嘅謝拉特到時將會壓力倍增，作為前英格蘭國家隊隊友，迪科爾嘅經驗或者會發揮奇效，協助謝拉特爭取蘇超冠軍。根據報導，般尼茅夫有權於2019年夏天或2020年一月收回迪科爾。
蘇超積分榜
Source: Sky Sports
請按此登錄後留言。未成為會員? 立即註冊