從前歐洲球壇有個現象，英國球員甚少而且難以「出國搵食」，講緊嘅當然係去其他歐洲幾大聯賽如西甲、德甲、意甲及法甲嘅球員，而唔係前往二三四線聯賽嘅較低水平球員 (不少英甲英乙級數英籍球員到其他歐洲地區，甚至亞洲、澳洲謀生)，失敗例子遠多於成功例子，稍早嘅失敗例子有奧雲、活基治等，甚至近年嘅威爾斯球星巴爾喺皇家馬德里同樣有適應問題。不過，對於新一代年輕球員而言，情況就完全唔同。
巴塞隆拿最近宣布，從英格蘭球會西布朗簽下年僅16歲嘅英格蘭前鋒 Louie Barry ，佢將會於青年軍受訓，跳級效力巴塞U19 A隊，雙方簽下三年合約。
Louie Barry 於伯明翰出生，6歲已加入西布朗青訓，擁有代表英格蘭及愛爾蘭代表隊資格，目前為英格蘭U16代表隊上陣9場射入7球。球會方面，16歲嘅佢曾跳級出戰英超U18賽事，12場射入4球、交出3個助攻。
今次係巴塞近年第二次簽入英格蘭小將，2018年1月，巴塞由阿仙奴簽下年輕防守中場Marcus McGuane，現年20歲嘅佢，已合共為巴塞B隊上陣24場，係自連尼加後首位英格蘭球員加盟巴塞隆拿。
近年，除上述兩名英格蘭小將外，有不少英格蘭年輕球員被外借到德甲等歐洲聯賽鍛鍊，前曼城小將查頓辛祖更直接被多蒙特買斷，去季於德甲光芒四射。
Source: Sky Sports
巴塞隆拿最近宣布，從英格蘭球會西布朗簽下年僅16歲嘅英格蘭前鋒 Louie Barry ，佢將會於青年軍受訓，跳級效力巴塞U19 A隊，雙方簽下三年合約。
Louie Barry 於伯明翰出生，6歲已加入西布朗青訓，擁有代表英格蘭及愛爾蘭代表隊資格，目前為英格蘭U16代表隊上陣9場射入7球。球會方面，16歲嘅佢曾跳級出戰英超U18賽事，12場射入4球、交出3個助攻。
今次係巴塞近年第二次簽入英格蘭小將，2018年1月，巴塞由阿仙奴簽下年輕防守中場Marcus McGuane，現年20歲嘅佢，已合共為巴塞B隊上陣24場，係自連尼加後首位英格蘭球員加盟巴塞隆拿。
近年，除上述兩名英格蘭小將外，有不少英格蘭年輕球員被外借到德甲等歐洲聯賽鍛鍊，前曼城小將查頓辛祖更直接被多蒙特買斷，去季於德甲光芒四射。
Source: Sky Sports
請按此登錄後留言。未成為會員? 立即註冊