艾歷臣談罰球射破保方:多得施治!

睇足365 於 15/02/2018 發表 收藏文章
早前嘅已經完成嘅歐聯16強首回合,英超球隊熱刺作客2-2賽和意甲班霸祖雲達斯,熱刺喺比賽中極速落兩球,結果由哈利卡尼建功,加上艾歷臣罰球扳平。之後,艾歷臣喺熱刺官網受訪,表示自己面對保方射入罰球,同阿仙奴門將施治有關。


當時熱刺喺娥眉月頂獲得罰球,位置比較正中,由艾歷臣嘅角度去睇,人牆排喺艾歷臣右邊,而保方就喺左邊。面對慣用右腳射門嘅球員(但艾歷臣兩隻腳都勁),大部分門將都會選擇咁樣排人牆,但保方今次排出嘅人牆位置同人數都有人質疑,最終艾歷臣卻選擇射返左下角,即係較近保方嘅位置,修死呢位意國門神。



艾歷臣喺熱刺官網受訪,談到射出呢個罰球時所諗嘅嘢:

「喺啱啱個周末,我對阿仙奴嗰陣面對施治射咗球罰球,本來應該射佢企嗰邊但冇咁做,結果俾佢捉到路。好好彩,今日嘅事係相反。

當時我有個感覺,我見到個人牆郁,我見到保方同施治一樣咁移步,好彩我臨時改變主意,射返另外一邊角而個波最終入咗。」


Source: Metrotottenhamhotspur.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→