英格蘭老牌球會伯明翰自從當年班主香港商人楊家誠被捕後就多災多難，今季喺英冠本來有機會爭取升班附加賽席位，如果突然被賽會宣布罰扣9分，瞬間變成護級球隊。
2011年，伯明翰2月喺英格蘭聯賽盃決賽以2-1爆冷擊敗阿仙奴，奪得冠軍，只高興3個月，就降班收場。當季英超閉幕後一個月，班主楊家誠就喺香港以涉嫌洗黑錢被拘捕 (2014年被判6年監禁，今年1月出獄)，球會亦因遲遲未能交出財務文件而被罰轉會禁令。即使楊家誠後來離任，但始終已傷元氣，至今仍然喺英冠載浮載沉。
降班後7個球季，伯明翰除第一季成功取得升班附加賽資格外，其餘都係喺中下游徘徊，2013-14球季更只憑得失球優勢驚險護級，近兩季亦只排第19位。
伯明翰今季原本大有脫離早兩季下游位置嘅勢頭，38場取得50分排第13位，與升班附加賽席位相差7分，英冠變數大，餘下8輪聯賽要爭取呢個分數唔係冇可能。不過，英格蘭聯賽會最近宣布，伯明翰違反盈利及可持續規例 (The Profitability and Sustainability Rules) ，即虧損超出上限，被判罰扣9分，令伯明翰一下子變成第18位，與護級區只差5分，正如前面所講，餘下8輪聯賽，呢個差距隨時消失，伯明翰需要為護級而戰，但佢哋近四場全敗，前景不容樂觀。
根據英格蘭聯賽會規定，球會3年內虧蝕不得超過3,900萬鎊。規例原意類似於歐洲足協實施嘅財政公平原則，即球會唔可以隨意花費，除非確保球會營利本身有能力花費，財政上處於可持續發展狀態。不過，報導指出伯明翰單單上季 (2017-18) 已虧損3,750萬鎊，3季合共虧損4,879萬鎊，超出規定979萬鎊。
伯明翰會方發聲明指，球會已確保支出處於合理限制內，於2018年8月起接受賽會限制，但球昃於2018年10月完成擁有權易手，新班主對球會作出投資，令球會一心重振雄風，而且將會奮鬥到底。賽會指，伯明翰可於14日內提出上訴。
《Sky Sports》指，伯明翰會方認為判罰過於嚴苛，事實上英格蘭球壇近年有QPR、般尼茅夫及李斯特城曾經違反同一規則，但全部免於扣分，只係罰款了事，唯獨QPR加罰短期轉會禁令。歷史上，列斯聯於2007年破產被罰15分，係英格蘭球壇相關違例中最嚴重處分，今次伯明翰僅次於此。
Source: Sky Sports、Goal
2011年，伯明翰2月喺英格蘭聯賽盃決賽以2-1爆冷擊敗阿仙奴，奪得冠軍，只高興3個月，就降班收場。當季英超閉幕後一個月，班主楊家誠就喺香港以涉嫌洗黑錢被拘捕 (2014年被判6年監禁，今年1月出獄)，球會亦因遲遲未能交出財務文件而被罰轉會禁令。即使楊家誠後來離任，但始終已傷元氣，至今仍然喺英冠載浮載沉。
降班後7個球季，伯明翰除第一季成功取得升班附加賽資格外，其餘都係喺中下游徘徊，2013-14球季更只憑得失球優勢驚險護級，近兩季亦只排第19位。
伯明翰今季原本大有脫離早兩季下游位置嘅勢頭，38場取得50分排第13位，與升班附加賽席位相差7分，英冠變數大，餘下8輪聯賽要爭取呢個分數唔係冇可能。不過，英格蘭聯賽會最近宣布，伯明翰違反盈利及可持續規例 (The Profitability and Sustainability Rules) ，即虧損超出上限，被判罰扣9分，令伯明翰一下子變成第18位，與護級區只差5分，正如前面所講，餘下8輪聯賽，呢個差距隨時消失，伯明翰需要為護級而戰，但佢哋近四場全敗，前景不容樂觀。
根據英格蘭聯賽會規定，球會3年內虧蝕不得超過3,900萬鎊。規例原意類似於歐洲足協實施嘅財政公平原則，即球會唔可以隨意花費，除非確保球會營利本身有能力花費，財政上處於可持續發展狀態。不過，報導指出伯明翰單單上季 (2017-18) 已虧損3,750萬鎊，3季合共虧損4,879萬鎊，超出規定979萬鎊。
伯明翰會方發聲明指，球會已確保支出處於合理限制內，於2018年8月起接受賽會限制，但球昃於2018年10月完成擁有權易手，新班主對球會作出投資，令球會一心重振雄風，而且將會奮鬥到底。賽會指，伯明翰可於14日內提出上訴。
《Sky Sports》指，伯明翰會方認為判罰過於嚴苛，事實上英格蘭球壇近年有QPR、般尼茅夫及李斯特城曾經違反同一規則，但全部免於扣分，只係罰款了事，唯獨QPR加罰短期轉會禁令。歷史上，列斯聯於2007年破產被罰15分，係英格蘭球壇相關違例中最嚴重處分，今次伯明翰僅次於此。
Source: Sky Sports、Goal
請按此登錄後留言。未成為會員? 立即註冊