祖雲達斯前鋒戴巴拿 (Paulo Dybala) 早前一度成為祖雲達斯與曼聯交換盧卡古嘅籌碼，但據報雖然球會雙方已經同意，但遭到戴巴拿拒絕。雖然戴巴拿擁有一定市場價值，但祖雲達斯現時前場球員人數眾多，加上有新帥沙利上任，令祖記再一次同意有關出售戴巴拿嘅交易。
根據《Sky Sports》報導，英超球會熱刺已提交6440萬英鎊報價求購戴巴拿，並得到祖雲達斯同意轉會費金額，將與球員代表展開個人談判。
報導指出，交易其中一大障礙係戴巴拿嘅肖像權問題。早前，有其他報導稱曼聯與戴巴拿未能達成共識，部分原因係由於曼聯拒絕其經理人要求，額外支付約1370萬鎊，從第三方持有人手上，完全收購戴巴拿肖像權。
25歲嘅戴巴拿完成今夏美洲國家盃後休假，最近返回祖雲達斯訓練基地，佢將會與新帥沙利會面，了解自己嘅喺球隊內嘅前程。現時班馬軍團陣中前場球員包括：C朗拿度、希古恩、文素基治、古亞達度、杜格拉斯哥斯達、貝拿迪斯治等。根據祖雲達斯最近兩度同意出售戴巴拿可見，佢應該並不在沙利計畫當中。
不過，報導認為，戴巴拿並不急於離開祖雲達斯，除非有強烈經濟誘因令佢改變主意。另外，有指戴巴拿對轉投熱刺並不感到興趣，而祖雲達斯亦冇興趣接受於交易中加入艾歷臣嘅建議。
的確，熱刺有機會於今夏出售艾歷臣，而《Sky Sports》就報稱曼聯正考慮出手羅致艾歷臣。一旦熱刺售出艾歷臣，以及丹尼路斯，將加強其收購戴巴拿嘅決心及經濟能力。
Source: Sky Sports
根據《Sky Sports》報導，英超球會熱刺已提交6440萬英鎊報價求購戴巴拿，並得到祖雲達斯同意轉會費金額，將與球員代表展開個人談判。
報導指出，交易其中一大障礙係戴巴拿嘅肖像權問題。早前，有其他報導稱曼聯與戴巴拿未能達成共識，部分原因係由於曼聯拒絕其經理人要求，額外支付約1370萬鎊，從第三方持有人手上，完全收購戴巴拿肖像權。
25歲嘅戴巴拿完成今夏美洲國家盃後休假，最近返回祖雲達斯訓練基地，佢將會與新帥沙利會面，了解自己嘅喺球隊內嘅前程。現時班馬軍團陣中前場球員包括：C朗拿度、希古恩、文素基治、古亞達度、杜格拉斯哥斯達、貝拿迪斯治等。根據祖雲達斯最近兩度同意出售戴巴拿可見，佢應該並不在沙利計畫當中。
不過，報導認為，戴巴拿並不急於離開祖雲達斯，除非有強烈經濟誘因令佢改變主意。另外，有指戴巴拿對轉投熱刺並不感到興趣，而祖雲達斯亦冇興趣接受於交易中加入艾歷臣嘅建議。
的確，熱刺有機會於今夏出售艾歷臣，而《Sky Sports》就報稱曼聯正考慮出手羅致艾歷臣。一旦熱刺售出艾歷臣，以及丹尼路斯，將加強其收購戴巴拿嘅決心及經濟能力。
Source: Sky Sports
請按此登錄後留言。未成為會員? 立即註冊