俄羅斯人一向令人覺得性格強悍，被稱為「戰鬥民族」，喺足球世界入面，俄羅斯球迷同樣可以用「強悍」形容，喺一啲歐洲賽事入面，不時會見到佢哋喺嚴寒之下赤裸上身為球隊打氣。另一個歐洲賽事入面經常被視為「瘋狂」球迷嘅群體，就係土耳其球迷，特別係土超勁旅有加拉塔沙雷嘅主場素有「地獄主場」稱號。周中歐霸32強淘汰賽次回合，正有一場俄超球隊辛尼特主場迎戰土超球隊費倫巴治嘅比賽，辛尼特球迷嘅「戰鬥」喺場外已經展開。
（加拉塔沙雷「地獄主場」）
歐霸32強淘汰賽次回合，俄超球隊辛尼特主場迎戰土超球隊費倫巴治，主隊辛尼特首回合落後0-1，今仗主場出戰誓要反勝爭奪16強席位。對於球迷嚟講，雙方陣容不乏熟悉嘅面孔，辛尼特擁有前車路士後衛伊雲奴域 (Branislav Ivanović)、「伊朗美斯」阿斯蒙 (Sardar Azmoun) 、俄羅斯國腳迪尤巴 (Artem Dzyuba) 等名將在陣，國腳高哥連 (Aleksandr Kokorin) 及前祖雲達斯中場馬治斯奧 (Claudio Marchisio) 缺陣，費倫巴治亦有前利物浦後衛史基泰爾 (Martin Škrtel) 、車路士借將域陀摩西斯 (Victor Moses) 、史雲斯借將安祖阿休 (André Ayew) 、李斯特城借將施利文尼 (Islam Slimani) 等上陣。
精彩嘅一幕喺球場外已經發生，辛尼特主場球迷賽前夾道歡迎隊巴抵達球場，喺兩旁道路形成一片火海，十分壯觀。列隊嘅球迷有秩序咁按適當距離分佈喺路上，每人手持煙火，喺隊巴經過嘅位置點燃，同時唱歌打氣，令隊巴好似美國漫畫幽靈車神 Ghost Rider 嘅電單車咁，所到之處留低一條火痕。
雖然土耳其球隊對呢種做法並唔陌生，但作客嚟到氣氛熾熱嘅俄羅斯，或多或少都會受到主場氣氛影響發揮。或者正係喺球迷嘅落力打氣之下，辛尼特憑住「伊朗美斯」阿斯蒙梅開二度，今仗以3-1擊敗費倫巴治，總比數反勝3-2成功出線歐霸16強。
全場精華
https://streamable.com/o74do
Source: Daily Mail
（加拉塔沙雷「地獄主場」）
歐霸32強淘汰賽次回合，俄超球隊辛尼特主場迎戰土超球隊費倫巴治，主隊辛尼特首回合落後0-1，今仗主場出戰誓要反勝爭奪16強席位。對於球迷嚟講，雙方陣容不乏熟悉嘅面孔，辛尼特擁有前車路士後衛伊雲奴域 (Branislav Ivanović)、「伊朗美斯」阿斯蒙 (Sardar Azmoun) 、俄羅斯國腳迪尤巴 (Artem Dzyuba) 等名將在陣，國腳高哥連 (Aleksandr Kokorin) 及前祖雲達斯中場馬治斯奧 (Claudio Marchisio) 缺陣，費倫巴治亦有前利物浦後衛史基泰爾 (Martin Škrtel) 、車路士借將域陀摩西斯 (Victor Moses) 、史雲斯借將安祖阿休 (André Ayew) 、李斯特城借將施利文尼 (Islam Slimani) 等上陣。
精彩嘅一幕喺球場外已經發生，辛尼特主場球迷賽前夾道歡迎隊巴抵達球場，喺兩旁道路形成一片火海，十分壯觀。列隊嘅球迷有秩序咁按適當距離分佈喺路上，每人手持煙火，喺隊巴經過嘅位置點燃，同時唱歌打氣，令隊巴好似美國漫畫幽靈車神 Ghost Rider 嘅電單車咁，所到之處留低一條火痕。
雖然土耳其球隊對呢種做法並唔陌生，但作客嚟到氣氛熾熱嘅俄羅斯，或多或少都會受到主場氣氛影響發揮。或者正係喺球迷嘅落力打氣之下，辛尼特憑住「伊朗美斯」阿斯蒙梅開二度，今仗以3-1擊敗費倫巴治，總比數反勝3-2成功出線歐霸16強。
全場精華
https://streamable.com/o74do
Source: Daily Mail
請按此登錄後留言。未成為會員? 立即註冊