發現路維潛在接班人!迪利亞里竟用口水整蠱史達寧

睇足365 於 26/03/2019 發表 收藏文章
曼城翼鋒史達寧最近喺國家隊狀態大勇,喺2020歐洲國家盃外圍賽中連番建功,好多人都話佢嘅進步應該歸功於曼城主帥哥迪奧拿,令佢足球智慧大進;不過喺球場以外,佢就冇咁醒目喇,喺搭飛機時成為隊友嘅整蠱對象。

英格蘭國家隊喺2020歐洲國家盃外圍賽A組,首輪賽事就以5-0大數捷克,次輪亦大勝黑山5-1,曾經被批評為「敗家仔」嘅史達寧,呢兩場比賽中都係功臣,對黑山時更大演帽子戲法,兩場共貢獻4入球2助攻,佢最近五場有上陣嘅國家隊比賽中,已經合共製造出6入球2助攻,效率驚人。

原來就喺前往黑山時,史達寧慘成隊友嘅整蠱對象。當時英軍正乘坐飛機,史達寧同好多乘客一樣,把握時間瞓覺,點知慘遭隔離位迪利阿里嘅「毒手」。

阿里一手用手機拍下「犯案」過程,一手將手指放入口中沾上口水,然後用沾滿口水嘅手指伸入史達寧耳窿入面。


最後再捏著史達寧個鼻,將佢整醒。阿里喺instagram story 上分享呢個片段,仲寫上「史達寧你究竟發緊咩夢呢?」嘅字句。又玩口水又玩耳窿,認真核突呀⋯⋯不過如果想做路維接班人,下次就要玩鼻窿或者鼻屎囉。


Source: DailyMailBBC

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→