當拿隆馬開波30秒「卡列奧斯式」失誤，AC米蘭無奈一球輸到尾

大家都聽過一句說話，門將無論一世人有幾多精彩撲救，救過球隊幾多次，一次失誤就可以俾人講一世。不過印象未必公平，意甲球隊AC米蘭嘅年輕門將當拿隆馬被視為新一代意大利門神，但事實上佢都不時犯錯，啱啱一場比賽中，更犯下卡列奧斯式離譜失誤，直接傳個波落對手隻腳度。


20歲嘅當拿隆馬 (Gianluigi Donnarumma) 嘅犯錯通常都係因為專注力不足而發生，今次都唔例外。噚晚深夜，AC米蘭作客森多利亞，開波只係30秒，當拿隆馬就出事。


當時佢喺小禁區角位接到隊友回傳，迪費爾 (Grégoire Defrel) 追上前緊逼，當拿隆馬竟然第一時間將個波踢返向原來嘅方向，撞正迪費爾隻腳，喺尾柱入網。

https://i.imgur.com/o7F1Zqz.gif
https://i.imgur.com/GGfAO4b.gif
當拿隆馬當時嘅決定完全係令人費解，更難以相信呢位門將喺《Transfermarkt》上被估值5000萬歐元，傳聞要將佢買走的話價錢更高。AC米蘭直接因為呢個開波30秒就出現嘅失誤而輸0-1而回，喺第5位嘅羅馬未踢今輪比賽之下，只領先4分，一旦羅馬今晚擊敗費倫天拿，AC米蘭嘅優勢就只剩1分，前四之位隨時因為呢個失誤而失去。

賽後，當拿隆馬向隊友道歉，並表示自己會從經驗中汲取教訓：

引用“I thank my teammates for their support, including at the final whistle. Mistakes happen and I apologise to everyone," Donnarumma told Milan TV.

“When you try to play out from the back, you can make an error, these things do happen. I'm sorry that we weren't able to even get a point out of it, but we have to look forward.

“Last year I went through a very rough time and if I managed to get through that, I can get through this too… The role of a goalkeeper means you can't let things fester, you need to get over it and make up for any error straight away."

雖然當拿隆馬年紀尚輕，潛質優厚，不時有精彩撲救，但佢嘅離譜失誤都唔少，好就讚、差就彈，不應過分吹捧或貶抑，以下附上當拿隆馬嘅失誤片段同精彩撲救：

DONNARUMMA WORST MISTAKES | Compilation
https://www.youtube.com/watch?v=35EHo6rrpiU
Gianluigi Donnarumma 2019 - Amazing Saves Show
https://www.youtube.com/watch?v=cRPi-gjfXr8
Source: tribalfootball、football-italia、foxsports