【玩大咗】阿辛斯奧超靚轉身單刀no-look射門炒粉,「綿奴」fans瘋狂恥笑

睇足365 於 21/09/2018 發表 收藏文章
早前歐聯分組賽皇家馬德里對羅馬一役,皇馬以3-0完勝,球隊踢得輕鬆,難怪最近意氣風發嘅阿辛斯奧面對入球良機,都決定「玩嘢」,可惜臨門一腳浪費咗之前嘅超靚轉身。

皇馬近年一改「一年一星」嘅奢華作風,轉為倚重多位新生代球員,其中22歲嘅阿辛斯奧屢受重用,喺機會漸多之下,佢亦不負所望大有進步,早前國際賽期,個人直接製造五個入球,協助西班牙於歐洲國家聯賽以6-0血洗應屆世界盃亞軍克羅地亞 (見另文:《【前途無限】六球血洗克羅地亞,阿辛斯奧獨造五球全面睇》)。腳風極順,年輕嘅阿辛施奧都忍唔住花巧一下,而佢的確只差少少就可以射入一記令網民崇拜嘅超靚入球。

當時,阿辛施奧一個轉身擺脫兩名羅馬守將,單對單面對門將羅賓奧臣,竟然選擇 no-look 射門,點知被羅賓奧臣成功封位擋出,錯失入球良機。


佢個轉身的確係靚絕,如果最後 no-look 射入,應該會成為金球,大家即刻跪喺度睇波,可惜唔入就係唔入,唔少網民見到呢一球之後,已經話「唔知費明奴點睇呢?」





唔少球迷都叫佢學下費明奴,事實上費明奴未嚟英超之前已經玩緊 no-look shot ,關鍵係如無絕對把握都唔好用,可以見到「綿奴」次次都係面對空門先玩嘢。當然,你可以話空門點射都得,阿辛施奧難度大啲,入咗會威幾倍,冇錯,入咗就係,做花巧嘢失敗結果一定係俾人笑,小弟都好想睇阿辛施奧下次「非空門」no-look射入,下次努力啦!



影片來源:

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→