歐聯席位從天而降,8間英超球會聯手入稟圖阻曼城參戰

睇足365 於 25/03/2020 發表 收藏文章
英超球隊曼城早前被歐洲足協提出以違反財政公平條例為由,禁止參加歐洲賽事兩季,同時罰款3000萬歐元。比起罰款,歐戰禁賽令對曼城而言無疑係更大打擊,隨時導致球隊星散。曼城當然會上訴至體育仲裁法庭,不過上訴期間可否暫緩執行處罰?多間英超球會就聯合要求體育仲裁法庭禁止曼城於上訴期間參加歐戰。

loading

不少球員都以歐戰資格去考量是否效力某間球會,曼城自於英超冒起以來,於英格蘭本土已取得過所有錦標,上季更於哥迪奧拿帶領下奪得本土三冠王。不論對曼城會方、球員及主帥哥迪奧拿而言,短期內最重要目標必定係奪取曼城史上首個歐聯冠軍,如果曼城最終要被禁賽兩季,球員職業生涯短暫,一名頂級球員好難接受平白無故不能參加歐聯兩季,可能會有部分主力球員離隊他投,甚至可能失去一直期望帶領曼城奪取歐聯嘅哥迪奧拿,雖然哥帥早前表明唔會因此離隊。


對於其餘英超球隊,曼城嘅禁令同樣影響巨大,由於曼城近年都穩佔聯賽前列,禁令意味著將會有一個歐戰席位「從天而降」,即聯賽第5位都可能獲得歐聯資格,潛在爭奪歐聯資格嘅球隊都不願放棄呢塊「肥肉」。根據?《Daily Mail》報導,有8間英超球會聯名入稟體育仲裁法庭,要求禁止曼城於上訴期間參加歐戰。

報導指,今次行動並非由利物浦發起,但現時英超聯賽榜前10名中,除曼城自己及錫菲聯之外,其餘8間球會都有參與,即利物浦、李斯特城、曼聯、車路士、狼隊、熱刺、阿仙奴及般尼。曼城並未作出回應,但消息人士指曼城內部認為此舉係某些曼城嘅 "rivals" (可解作競爭對手、傳統死敵,任君演繹,足球世界中一般取後者) 於幕後策劃。

現時英超第5及第11位相差6分,餘下9輪聯賽,如果今屆英超得以完成,6分差距唔算太大。


體育仲裁法庭同樣未有回應,但上星期曾指出曼城尚未正式申請於上訴期間暫緩禁賽令。因為疫情影響,體育仲裁法庭預計要等到5月重開。

loading

Source: DailyMail

留言


請按此登錄後留言。未成為會員? 立即註冊
    快捷鍵:←
    快捷鍵:→