「柱男」巴舒亞伊大方自抽,曼城Twitter出賣迪布尼:「比利時特色?」

睇足365 於 30/06/2018 發表 收藏文章
早前世界盃分組賽最後一輪,比利時與英格蘭上演一場屬「半例行公事」嘅「大戰」,由於兩隊已經鐵定出線,所以呢場比賽只剩小組首次名之爭,但普遍認為次名出線更加有利之下,雙方難免有所保留,好彩除咗有贊奴沙美妙入球之外,亦有巴舒亞伊「助慶」,娛樂性仍在。


相信大家已經睇過贊奴沙入波之後,隊友巴舒亞伊喺龍門口「怒射」慶祝,點知省中門柱,自食「波餅」一幕,確係非常搞笑。


呢個鏡頭當然逃唔過社交網上不斷被惡搞。




不過大家唔好忘記,巴舒亞伊都係social network上玩得之人,佢以前就曾經同足球遊戲《FIFA》投訴自己能力值太低,喺比賽中入波後要求得到99能力值,「自抽」亦係佢嘅拿手好戲。

佢喺自己Twitter上話「點解我咁蠢」、「我自創咗新嘅慶祝動作」,真係服咗佢。






今次事件,就連曼城官方Twitter都出動,目標竟然係自家球員迪布尼,佢哋話「呢招應該係比利時特色嚟」。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→