查奧爾 1 vs 5 利物浦球員,高普拜服:「簡直無可匹敵」

睇足365 於 24/01/2020 發表 收藏文章
狼隊翼鋒艾達馬查奧爾 (Adama Traore) 一身橫練嘅肌肉,喺足球員中都屬於異數,甚至喺傳統比較多身體對抗嘅英格蘭球壇,查奧爾嘅體格都令人聞風喪膽。星期四英超,狼隊主場對利物浦,自從升班以嚟成為英超豪門殺手嘅狼隊,雖然飲恨而回僅負1-2,但全場表現令到今季未逢一敗嘅利物浦踢得頗為狼狽,艾達馬查奧爾嘅表現亦引起關注。


上半場19分鐘,艾達馬查奧爾喺中路引球推進,陷入利物浦中前場嘅包圍網之中,但佢憑住自己嘅腳下功夫,加上身型優勢,就好似不倒翁一樣,喺幾名利物浦球員之間急停、轉身、護球,前後大約有5名利物浦球員參與圍剿,但又拉又踢都冇辦法搶到查奧爾腳下球,就連將佢踢跌都唔得。結果,查奧爾雖然冇向前推進,但都成功將個波分俾左路隊友,球證示意利物浦犯規但狼隊得益繼續攻勢。

https://i.imgur.com/hojTbdw.gif

去到下半場,艾達馬查奧爾運用佢嘅速度同走位,落底傳中,助攻魯爾占美利斯頭槌破網,一度為球隊追平1-1。幾分鐘後,艾達馬查奧爾繼續於右路爆破,逼到利物浦左閘羅拔臣喺禁區邊緣飛剷將佢踢跌,領到黃牌,查奧爾今季喺英超導致到第28位球員領黃牌。

https://i.imgur.com/inMBaXr.gif
https://i.imgur.com/ZMz7hlq.gif
loading

loading

利物浦領隊高普喺賽後接受訪問時,都難掩欣賞之情,直頭係心服口服:「佢簡直係無可匹敵。真係好勁!當然狼隊唔係靠佢一個,但佢實在太勁。」

loading


除咗喺今場表現出色外,其實查奧爾亦已經累積7個英超助攻,並列聯賽助攻榜第3位。同時,佢嘅場均過人次數達到5.7次,係英超之冠。巴塞隆拿青訓出身嘅佢,技術、意識,結合筋肉人嘅身軀,似乎真係好難阻止佢進攻,會唔會吸引到豪門挖角呢?

loading

留言


請按此登錄後留言。未成為會員? 立即註冊
    快捷鍵:←
    快捷鍵:→