杜曹稱尼馬將因傷避戰開咧首仗,體育總監李安納度:「傾緊轉會」

睇足365 於 11/08/2019 發表 收藏文章
除咗英超已經開展新球季第一周賽事之外,法甲亦已由摩納哥對里昂揭開戰幔,班霸巴黎聖日耳門將於香港時間星期一清晨03:00迎戰尼姆。

巴黎聖日耳門於星期六公布,陣中巴西球星尼馬,將唔會被列入首輪法甲比賽大軍名單之中。消息進一步顯示,今個夏天尼馬離隊嘅傳聞越嚟越接近成真。

loading

《Sky Sports》報導,PSG主帥杜曹稱尼馬因為於訓練中受傷,將會缺席對尼姆嘅開季戰。不過,球會體育總監李安納度 (Leonardo) 就透露,球會正同其他球會相討尼馬嘅轉會。《BBC》引述李安納度指,雖然球會現時並未接納任何報價,但認為尼馬離隊機會比之前高 ("more advanced than before") 。

loading
loading


27歲嘅尼馬今個夏天已多次傳出離隊,更鬧出疑似拒絕按時歸隊嘅「羅生門」,被球會官方發聲明「表示遺憾」。事實上,若尼馬離開PSG,以佢身價及薪金,基本上只有皇家馬德里或巴塞隆拿有理由成為佢嘅目的地。《Sky Sports》指,現時皇馬正與PSG進行談判。

至於回歸巴塞,巴塞主帥華維迪就不置可否:「現時為止,我都唔知道會發生咩事。佢離隊與否,有好多因素,不過原則上我唔知道會發生咩事,而且我冇諗關於佢嘅嘢,只係諗緊聽日要做嘅事。」

Source: Sky SportsBBC

留言


請按此登錄後留言。未成為會員? 立即註冊
    快捷鍵:←
    快捷鍵:→