施丹公開示好,《馬卡報》稱皇馬、夏薩特及車路士數日內達成轉會共識

睇足365 於 06/04/2019 發表 收藏文章
車路士球星夏薩特 (Eden Hazard) 被稱為「夏世三」已經多年,鬧轉會傳聞亦不止一次,今個夏天的確係佢最大可能離開車路士嘅一次。


其實夏薩特作為英超豪門絕對核心,要轉投一隊令佢自覺更上層樓嘅球隊絕對唔係易事,一來潛在目標只有三兩間球會,同時需要下家陣容有空間簽下一位超級球星,又願意而且能夠支付佢高昂嘅轉會費及薪金。上個暑假,機會曾經出現,皇家馬德里有頭牌球星C朗拿度轉投祖雲達斯,理應需要一位星級進攻球員,同時有足夠資金收購夏薩特,但當時並冇發生任何事,《馬卡報》指當時車路士向皇馬要求2億歐元轉會費,令「銀河艦隊」卻步。


《BBC》報導,再次上任成為皇馬主帥嘅施丹,日前喺訪問中承認一直欣賞夏薩特,由法甲里爾時已經一直留意佢,但就話今個球季未完結,唔會評論將來可能發生嘅事。


《馬卡報》喺今日就刊出報導,指皇馬、夏薩特及車路士三方面將會喺數日內達成轉會共識。《馬卡報》指施丹十分欣賞夏薩特嘅技術同速度,評估皇馬陣容需要後,同意球會落實收購夏薩特;報導相信兩間球會以及球員本人,已經十分接近完成談判,夏薩特將會喺幾日內前往馬德里進行會面,然後簽下一份長約。

著名比利時體育記者Kristof Terreur回應《馬卡報》早前曾提出三方已達成共識嘅報導,指出皇馬的確希望盡快完成交易,但仍未同車路士達成共識,原因係對方仍為明年合約期滿嘅「夏神」索價1億歐元。




Source: MarcaBBC

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→