文仙尼上任第一擊,「巴神」正選遠射死角破網!

睇足365 於 29/05/2018 發表 收藏文章
意大利國家隊缺席今屆世界盃,選兵、排陣、新舊交接等問題多多,但畢竟係歐洲傳統足球勁旅,其實主帥只要做返正常嘢,應該不至於太差,例如重新召入巴洛迪利……


新任意大利主帥文仙尼領軍第一場比賽就係周一晚對沙地阿拉伯嘅國際友誼賽。文仙尼一如上任時所講,重新選入表現成熟不少嘅巴洛迪利,呢位意大利陣中極具作用嘅尼斯前鋒,果然馬上正選上陣射入靚波。

https://streamable.com/dn8lm
巴洛迪利只要腦筋正常,就係一個好前鋒,佢年少成名至今載浮載沉,近年兩三年偏偏腦筋正常嘅日子越嚟越多,轉戰法甲尼斯後,各項賽事上陣65場,已經射入43球,低調中寫下個人生涯最高效率。另外,佢桀驁不馴嘅性格亦收斂不少,兩季以來只取得3面紅牌,當中更有啲係疑似被針對而拎,場內場外好少再惹事生非。雖說法甲激烈程度不及歐洲頂尖,但呢個效率加上身體質素、脾氣收斂,至少值得喺大賽中入選作為「看門口」之用,佢衝鋒陷陣嘅能力,意大利現役前鋒中其實冇幾多個。


呢場波,「巴神」21分鐘遠射死角入網,射入四年來首個國際賽入球。意大利最終只險勝沙地阿拉伯2-1,而且只屬友賽一場,但睇到「巴神」可以再喺國家隊佔一席位,都令人高興。

留言


請按此登錄後留言。未成為會員? 立即註冊
    快捷鍵:←
    快捷鍵:→