西甲球隊愛斯賓奴因為簽入中國球員武磊而於中國聲名大噪，不過球隊今季於西甲表現就相當不濟，18場聯賽只取得2勝4和12負，仍然排聯賽榜尾，有可能自1992-93球季以來首次降班。武磊早前曾經明言效忠，表示即使愛斯賓奴降班，佢都會隨隊踢西乙，而非急於返國。不過，同愛斯賓奴關係密切嘅上海上港 (武磊舊球會) 似乎願意盡力幫助愛斯賓奴護級。
根據西班牙《每日體育報》報導，愛斯賓奴最近因為戰績低迷而更換主帥，希望於一月轉會窗簽入四名球員增強實力，其中包括上海上港巴西籍前鋒侯克 (Hulk) 。消息指，愛斯賓奴中國籍班主陳雁升將會利用佢嘅人際關係促成交易，務求借用侯克至季尾。
33歲嘅侯克效力中超球隊上海上港三個半球季，124場比賽中錄得68入球53助攻，據報佢現時年薪高達1700萬歐元 (周薪約33萬歐元)，成為交易最大障礙。不過，中超2019球季已經完結，2020球季要到3月先展開，6月亦會遷就國際賽期而休戰，所以若上海上港外借侯克至西甲球季尾，只會暫時失去佢3個月時間。中國傳媒報導更指出，上海上港願意承擔部分薪金，真可謂半賣半送，若傳聞真確，上海上港幫助愛斯賓奴及武磊嘅用意就不言而喻。報導又指，侯克個人同意外借，但球會雙方正就薪資分配問題談判。
話說回來，侯克年紀唔輕，佢職業生涯除咗上海上港及日職球隊，就只效力過波圖及辛尼特兩間歐洲球會，但從未於歐洲五大聯賽踢波，適應上未必順利，作為愛斯賓奴護級救兵效果成疑。
Source: sport.es , football-espana , dailymail
根據西班牙《每日體育報》報導，愛斯賓奴最近因為戰績低迷而更換主帥，希望於一月轉會窗簽入四名球員增強實力，其中包括上海上港巴西籍前鋒侯克 (Hulk) 。消息指，愛斯賓奴中國籍班主陳雁升將會利用佢嘅人際關係促成交易，務求借用侯克至季尾。
33歲嘅侯克效力中超球隊上海上港三個半球季，124場比賽中錄得68入球53助攻，據報佢現時年薪高達1700萬歐元 (周薪約33萬歐元)，成為交易最大障礙。不過，中超2019球季已經完結，2020球季要到3月先展開，6月亦會遷就國際賽期而休戰，所以若上海上港外借侯克至西甲球季尾，只會暫時失去佢3個月時間。中國傳媒報導更指出，上海上港願意承擔部分薪金，真可謂半賣半送，若傳聞真確，上海上港幫助愛斯賓奴及武磊嘅用意就不言而喻。報導又指，侯克個人同意外借，但球會雙方正就薪資分配問題談判。
話說回來，侯克年紀唔輕，佢職業生涯除咗上海上港及日職球隊，就只效力過波圖及辛尼特兩間歐洲球會，但從未於歐洲五大聯賽踢波，適應上未必順利，作為愛斯賓奴護級救兵效果成疑。
Source: sport.es , football-espana , dailymail
請按此登錄後留言。未成為會員? 立即註冊