曼城今季喺英超榜首遙遙領先，一直出名競爭激烈嘅英超都好耐冇試過出現咁嘅情況，其中一個因素好易被忽略，就係一班主力甚少受傷 (除咗重磅收購嘅左閘文迪咁唔好彩，仲有「耶穌仔」)，特別係打出「世界第三」水準嘅迪布尼，呢位曼城陣中絕對不能取代嘅比利時中場，唔止一次俾對手兇狠攔截，但好彩乜事都冇，而翼鋒利萊辛尼身上亦出現奇蹟。
喺英國時間1月28日，曼城於足總盃出戰對英冠球隊卡迪夫城，呢場比賽中，全速奔跑嘅德國翼鋒利萊辛尼被守將祖爾賓納迪 (Joe Bennett) 從後兇狠攔截倒地。
睇返慢鏡同相片，當時賓納迪用鞋底踢中辛尼嘅重心左腳，踩中踁骨內側，辛尼嘅左腳腕即時屈曲接近90度，可能係因為咁樣卸咗啲力，如果當時佢腳掌咁啱「種死」喺草地，屈曲嘅就會係成條骨，即係斷腳，所以呢一下根本係「收山腳」。雖然佢好好彩冇斷腳，但都唔能夠繼續比賽，需要休息一段日子。睇到辛尼咁樣傷出之後，德國足協都發聲警告球員唔好傷害德國球員，因為佢哋要爭世界盃。
https://i.imgur.com/ewZrh8Z.gif
賽後，初步報告估計辛尼因為足踝受傷，大約需要傷出6-7周，接近兩個月，所以都發生咗曼城連續幾次報價求購馬列斯一事。神奇嘅事就發生喇，眼看呢下受傷絕對唔輕，但辛尼竟然鐵人上身，喺近日已經全面復操，而根據《BBC》及《Telegraph》等傳媒報導，佢甚至會喺今晚深夜隨隊作客巴素利 (香港時間2月14日03:45) ，距離受傷大約只係兩星期！
領隊哥迪奧拿表示，雖然辛尼未去到100%，但都可以隨隊候命：「雖然佢未恢復到完美狀態，不過佢會同我哋一齊出戰。軍醫實在做得好好。佢好想幫助我哋，呢樣嘢令我好驚訝，佢好勤力訓練，我估唔到一個咁年輕嘅球員，可以有咁專業嘅態度。」
迪布尼都試過中「收山腳」冇事：
Source: BBC、Telegraph
喺英國時間1月28日，曼城於足總盃出戰對英冠球隊卡迪夫城，呢場比賽中，全速奔跑嘅德國翼鋒利萊辛尼被守將祖爾賓納迪 (Joe Bennett) 從後兇狠攔截倒地。
睇返慢鏡同相片，當時賓納迪用鞋底踢中辛尼嘅重心左腳，踩中踁骨內側，辛尼嘅左腳腕即時屈曲接近90度，可能係因為咁樣卸咗啲力，如果當時佢腳掌咁啱「種死」喺草地，屈曲嘅就會係成條骨，即係斷腳，所以呢一下根本係「收山腳」。雖然佢好好彩冇斷腳，但都唔能夠繼續比賽，需要休息一段日子。睇到辛尼咁樣傷出之後，德國足協都發聲警告球員唔好傷害德國球員，因為佢哋要爭世界盃。
https://i.imgur.com/ewZrh8Z.gif
賽後，初步報告估計辛尼因為足踝受傷，大約需要傷出6-7周，接近兩個月，所以都發生咗曼城連續幾次報價求購馬列斯一事。神奇嘅事就發生喇，眼看呢下受傷絕對唔輕，但辛尼竟然鐵人上身，喺近日已經全面復操，而根據《BBC》及《Telegraph》等傳媒報導，佢甚至會喺今晚深夜隨隊作客巴素利 (香港時間2月14日03:45) ，距離受傷大約只係兩星期！
領隊哥迪奧拿表示，雖然辛尼未去到100%，但都可以隨隊候命：「雖然佢未恢復到完美狀態，不過佢會同我哋一齊出戰。軍醫實在做得好好。佢好想幫助我哋，呢樣嘢令我好驚訝，佢好勤力訓練，我估唔到一個咁年輕嘅球員，可以有咁專業嘅態度。」
迪布尼都試過中「收山腳」冇事：
Source: BBC、Telegraph
請按此登錄後留言。未成為會員? 立即註冊