根據英國傳媒《Sky Sports》報導，祖雲達斯新星摩斯堅恩 (Moise Kean) 即將加盟英超球隊愛華頓，「拖肥」已經同祖雲達斯達成共識，只要摩斯堅恩於英國時間星期六完成體檢，就可落實交易。
報導指出，愛華頓將會向祖雲達斯支付初期轉會費2750萬英鎊，根據交易內額外條款，轉會費最終可以達到3660萬鎊，而摩斯堅恩預計周薪為5.2萬鎊，祖雲達斯享有回購條款。
19歲嘅摩斯堅恩係祖雲達斯青訓出品，班馬軍團於意甲壟斷而不乏輪換空間，令摩斯堅恩今季得到唔少機會一展身手。步大力雄嘅佢勇於盤球突破、埋門把握力不俗，可於正前鋒位置或左路活動，今季為祖雲達斯於意甲上陣13場，錄得6入球1助攻，其中5場正選、8場後備，另有3次歐聯後備上陣。國家隊方面，摩斯堅恩已為意大利大國腳上陣3場，包括於歐國盃外圍賽射入兩球。
一旦交易正式落實，摩斯堅恩將成為愛華頓今夏引入嘅第5名球員，此前加盟嘅球員有桑基巴文 (Jean-Philippe Gbamin) 、戴夫、安達高美斯三名中場球員，以及門將盧素 (Jonas Lössl)，共花費近6000萬鎊。
Source: Sky Sports
報導指出，愛華頓將會向祖雲達斯支付初期轉會費2750萬英鎊，根據交易內額外條款，轉會費最終可以達到3660萬鎊，而摩斯堅恩預計周薪為5.2萬鎊，祖雲達斯享有回購條款。
19歲嘅摩斯堅恩係祖雲達斯青訓出品，班馬軍團於意甲壟斷而不乏輪換空間，令摩斯堅恩今季得到唔少機會一展身手。步大力雄嘅佢勇於盤球突破、埋門把握力不俗，可於正前鋒位置或左路活動，今季為祖雲達斯於意甲上陣13場，錄得6入球1助攻，其中5場正選、8場後備，另有3次歐聯後備上陣。國家隊方面，摩斯堅恩已為意大利大國腳上陣3場，包括於歐國盃外圍賽射入兩球。
一旦交易正式落實，摩斯堅恩將成為愛華頓今夏引入嘅第5名球員，此前加盟嘅球員有桑基巴文 (Jean-Philippe Gbamin) 、戴夫、安達高美斯三名中場球員，以及門將盧素 (Jonas Lössl)，共花費近6000萬鎊。
Source: Sky Sports
請按此登錄後留言。未成為會員? 立即註冊