就嚟52歲!「球壇長青樹」三浦知良宣布與橫濱FC再續一年

睇足365 於 11/01/2019 發表 收藏文章

「球壇長青樹」已經成為三浦知良 (MIURA Kazuyoshi) 嘅代名詞,呢位51歲日本前鋒保持世界最年長職業球員及入球者紀錄,佢對足球嘅熱誠相信無人能及,因為不少足球員去到30歲後已經準備退役,甚至已經對職業足球生厭。三浦知良去到呢個年紀仍然保持住職業足球員嘅狀態,完全有賴於極度自律簡樸嘅私人生活方式,嚴控飲食、早睡早起,33年職業生涯貫徹始終,少啲熱誠少啲堅持都冇可能做到。


2019年1月11日11:11,日本J2球會橫濱FC宣布,三浦知良與球會再次續約,令呢位2月底年滿52歲嘅傳奇老將,將會喺新球季開展個人職業生涯嘅第34年,繼續將最年長職業球員嘅紀錄改寫。


三浦知良年輕時於巴西出道,效力過山度士及哥列迪巴等球會,回國後又效力過讀賣 (今東京綠茵) 、京都不死鳥及神戶勝利船,係1993年當選首屆 J League MVP 及亞洲足球先生,2005年起效力橫濱FC至今。2018球季,三浦知良為球隊於各項賽事上陣11場比賽,球隊一度有機會升上 J1 ,以 J2 第三名進入升班附加賽,可惜喺附加賽四強不敵東京綠茵,無緣升班,否則三浦知良來季有可能再戰J1!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→