巴塞隆拿傳奇中場恩尼斯達早前已經上演告別戰，原先一度傳出將會前往中超發展，但最近消息指佢將會登陸 J-League 。
雖然中超使出「紅酒政策」利誘恩尼斯達嘅消息已經傳咗大半季，但未知是係咪同中國足球政策轉變有關，有關球會重慶斯威早前突然發出聲明稱唔會奉行金元足球，令恩尼斯達踢中超嘅傳聞告終。另一邊廂，日本球隊使出「樂天政策」成功招攬恩尼斯達加盟。
根據日本公營傳媒《NHK》（日本放送協会）於周三報導，確認恩尼斯達將會加盟神戶勝利船。《NHK》指恩尼斯達原本接近加盟中超球隊，但日本商人三木谷浩史介入，促成呢單交易。
三木谷浩史係樂天株式會社創辦人兼CEO，相信球迷睇到呢度馬上已經諗到，樂天正係巴塞隆拿球衣贊助商，而佢同時係神戶勝利船班主，因此「小白」加盟神戶勝利船絕對唔意外。
神戶勝利船現時已經有前德國國腳普度斯基在陣，兩人合作令球迷十分期待。普度斯基目前有傷在身，預計養傷至六月底，不過日本聯賽亦剛好暫時休戰。神戶勝利船下一場比賽將於香港時間7月18日18:00上演，到時或者可以睇到兩位球星同場獻技！
Source: NHK、The Japan Times
雖然中超使出「紅酒政策」利誘恩尼斯達嘅消息已經傳咗大半季，但未知是係咪同中國足球政策轉變有關，有關球會重慶斯威早前突然發出聲明稱唔會奉行金元足球，令恩尼斯達踢中超嘅傳聞告終。另一邊廂，日本球隊使出「樂天政策」成功招攬恩尼斯達加盟。
根據日本公營傳媒《NHK》（日本放送協会）於周三報導，確認恩尼斯達將會加盟神戶勝利船。《NHK》指恩尼斯達原本接近加盟中超球隊，但日本商人三木谷浩史介入，促成呢單交易。
三木谷浩史係樂天株式會社創辦人兼CEO，相信球迷睇到呢度馬上已經諗到，樂天正係巴塞隆拿球衣贊助商，而佢同時係神戶勝利船班主，因此「小白」加盟神戶勝利船絕對唔意外。
神戶勝利船現時已經有前德國國腳普度斯基在陣，兩人合作令球迷十分期待。普度斯基目前有傷在身，預計養傷至六月底，不過日本聯賽亦剛好暫時休戰。神戶勝利船下一場比賽將於香港時間7月18日18:00上演，到時或者可以睇到兩位球星同場獻技！
Source: NHK、The Japan Times
請按此登錄後留言。未成為會員? 立即註冊