姜至鵬功夫飛踢日本球員後腦:「他的頭碰到我的腳」,中國網民即割:滾!

睇足365 於 11/12/2019 發表 收藏文章
星期二晚上進行嘅東亞足球錦標賽首先上演一場「中日大戰」作為揭幕戰,比賽中日本以2-1擊敗中國。比賽過程中一次攔截,卻成為國際熱話。


其實,中國球員已經多次於國際賽上令對手嚴重受傷兼不知悔改 (《中國隊中國盃包艇兼輸品 韋世豪收山腳令對手重傷,中國網民都鬧:「丟臉!」》),最近一次係今年3月嘅中國盃,中國隊以0-1不敵烏茲別克,中場韋世豪從後攔截烏茲別克中場舒古洛夫(Otabek Shukurov)導致後者斷腳,賽後仍死撐:「就是一個犯規,我們差不多10多分鐘沒碰到球,就想戰術犯規讓比賽節奏慢一點,具體我也不知道他什麼情況。足球比賽難免會有傷病和碰撞,我覺得挺正常的,但是也不是故意踢他。」最後只因中國隊公關要求韋世豪改口道歉,及探望傷者做公關show。

講返今次事件,東亞足球錦標賽中國對日本,上半場大約30分鐘,中國後衛姜至鵬與日本後衛橋岡大樹爭奪高空球,橋岡大樹面向皮球方向打算用頭槌頂波,冷不防後方嘅姜至鵬施展「大鵬展翅」,加速飛踢過嚟,正中橋岡大樹後腦,結果被球證以黃牌警告,姜至鵬仍一臉無辜地向球證投訴。

https://i.imgur.com/33SQFfM.gif

事實上,拜仁慕尼黑球星湯馬士梅拿亦曾於歐聯飛踢對手頭部,不論有意無意,該下足以危及性命嘅危險動作,必然被球證出示紅牌。湯馬士梅拿賽後亦急急為此道歉,不過仍然難逃球迷責難及惡搞。


有球迷認為呢啲動作只係全心爭球,無意傷害隊手,但呢啲動作不論動機,喺足球中絕對不應出現,而且錯就要認。不過中國後衛姜至鵬喺賽後訪問中並冇絲毫歉意,冇向對手表示道歉及關心,反而理直氣壯:

「沒有故意去傷害對方,我看見他,但是我覺得在他的位置上不可能會夠到球,而且那個球大家通過回放也可以看到,我是先用腳弓把球斷下,隨後對方頭碰到我,並非我直接踹到對方。當然這個動作在國家隊的比賽中出現不應該,確實以後需要注意。我沒有一個直接蹬踹的動作,所以說我覺得給紅牌還是不大可能的。」


可以預期,中國足球網上論壇固然必定有人嘗試為姜至鵬護航,但熟知「國情」嘅朋友一定深知中國國家隊從來都係中國網民嘅「發洩對象」,仿佛將佢哋對日常生活中,唔可以隨意批評嘅怨恨,都發洩喺中國隊上,佢哋對中國隊嘅批評同嘲笑一向遠比我哋還要尖酸刻薄。

理性球迷首先出場,佢哋指出雖然同意姜至鵬應該冇心傷害對手,但絕對應該直接領紅牌及向對手道歉。一部分球迷就睇唔過眼,認為姜至鵬嘅回應相當無恥,直指佢球品、IQ、EQ統統有問題,又諷刺咁話相信佢真係無意,因為以中國球員嘅球場視野應該睇唔到嗰個有人。


最重要嘅係,部分中國球迷無法接受呢種輸波輸品嘅行為,認為污損到國家嘅驕傲,要贏就堂堂正正咁贏,更有唔少球迷呼籲將佢逐出國家隊。


事件亦令中國隊醜出國際,日本傳媒以謀殺形容,有日本球迷指係「少林足球劣質化」。
loading

留言


請按此登錄後留言。未成為會員? 立即註冊
    快捷鍵:←
    快捷鍵:→