曼聯前鋒盧卡古 (Romelu Lukaku) 已經唔係第一次公開表達對於去意甲踢波嘅興趣，根據《Sky Sports》訪問，佢最近又再重提，明言踢意甲係佢嘅夢想。當然，佢都有表示現時專注於曼聯嘅。
《Sky Sports》報導，喺《Sky Italia's Lords of Football》訪問中，曼聯前鋒盧卡古咁樣講：「喺意甲踢波係一個夢想，呢個真係一個夢想。我希望遲早有一日，我可以喺意甲踢波，雖然我現時係專注為曼聯效力。」
盧卡古2017年由愛華頓加盟曼聯，轉會費達到7,500萬鎊，亦令球迷對佢嘅期望有所提高，事實上盧卡古加盟不足兩季，已經為曼聯上陣95場貢獻42個入球及13個助攻，單係今季嘅12個聯賽入球，數字上亦唔算失禮，不過球迷普遍認為佢嘅實際表現、對球隊嘅幫助，有所不足。因此，假如盧卡古離隊，相信唔會有太多曼聯球迷感到可惜。
盧卡古嘅經理人/代表 Federico Pastorello 喺今個月就曾經明言，雖然盧卡古同曼聯有長約在身，但仍然會喺今個球季結束之後，同曼聯討論球員嘅前途問題。 Federico Pastorello 表示，現階段暫時並冇開始討論，因為球季正進行得如火如荼，球員目前正專注於比賽之上。
Federico Pastorello 又透露，盧卡古係一個十分希望體驗唔同文化、唔同足球風格嘅人，盧卡古小時候嘅意甲十分精采，令佢自細就好留意意甲，所以去意大利發展係佢嘅夢想，不過如果收到大球會如皇馬、巴塞嘅邀請，佢都會想有一日去西甲，甚至德甲發展。
雖然盧卡古已經成名多年，但其實佢只係25歲，要環遊各大聯賽，絕對有機會。
Source:
https://www.skysports.com/football/news/11667/11703116/lukaku-serie-a-move-a-dream
https://www.skysports.com/football/news/11667/11684497/romelu-lukaku-to-discuss-man-utd-future-in-summer-says-representative-federico-pastorello
《Sky Sports》報導，喺《Sky Italia's Lords of Football》訪問中，曼聯前鋒盧卡古咁樣講：「喺意甲踢波係一個夢想，呢個真係一個夢想。我希望遲早有一日，我可以喺意甲踢波，雖然我現時係專注為曼聯效力。」
盧卡古2017年由愛華頓加盟曼聯，轉會費達到7,500萬鎊，亦令球迷對佢嘅期望有所提高，事實上盧卡古加盟不足兩季，已經為曼聯上陣95場貢獻42個入球及13個助攻，單係今季嘅12個聯賽入球，數字上亦唔算失禮，不過球迷普遍認為佢嘅實際表現、對球隊嘅幫助，有所不足。因此，假如盧卡古離隊，相信唔會有太多曼聯球迷感到可惜。
盧卡古嘅經理人/代表 Federico Pastorello 喺今個月就曾經明言，雖然盧卡古同曼聯有長約在身，但仍然會喺今個球季結束之後，同曼聯討論球員嘅前途問題。 Federico Pastorello 表示，現階段暫時並冇開始討論，因為球季正進行得如火如荼，球員目前正專注於比賽之上。
Federico Pastorello 又透露，盧卡古係一個十分希望體驗唔同文化、唔同足球風格嘅人，盧卡古小時候嘅意甲十分精采，令佢自細就好留意意甲，所以去意大利發展係佢嘅夢想，不過如果收到大球會如皇馬、巴塞嘅邀請，佢都會想有一日去西甲，甚至德甲發展。
雖然盧卡古已經成名多年，但其實佢只係25歲，要環遊各大聯賽，絕對有機會。
Source:
https://www.skysports.com/football/news/11667/11703116/lukaku-serie-a-move-a-dream
https://www.skysports.com/football/news/11667/11684497/romelu-lukaku-to-discuss-man-utd-future-in-summer-says-representative-federico-pastorello
請按此登錄後留言。未成為會員? 立即註冊